Ester 10 - Kaxinawá Bíblia (BR) Kaxinawá Bíblia (BR)
Ester 10

¹ Hatu haska wakubaĩkĩ keyuabu bari betsatiã yurabu shukuabu tibi mai inũ hene natukã anu hiwebaunabũ hau shanẽ ibuhaira pei hati hau bishũkubaĩshanũbũ shanẽ ibuhaira Assuerõ manakuti imposto bena hatu yununikiaki.

² Haska yununika kushipa wakĩ Mardoqueu katuni inũ hawẽ kushipawẽ dasibi Assuerõ akubaini haska Média nawa shanẽ ibuhairabu inũ haska Pérsia nawa shanẽ ibuhairabũ akubaĩmisbu una merã Assuerokiri miyui kenerianibukiaki.

³ Shanẽ ibuhaira Assuero ha katxu Judeu nawa Mardoqueu habe shanẽ ibui mẽtsisipakũkaĩkĩ hakia hawenabu hau unanuma hiwenũbũ hatu yunukĩ pepas hatu benashũkubainaiwẽ taeshũ hawenabu dasibibũ Mardoqueu betxipaihairanibukiaki.