WEAWEA 18:10 - ASII LAKDAP Bible (BSI) Ümniiraq arthun ka asii silaitap maq phaqsea chang. Kiimaq maiqwere riili phaqsea chang. Arthun arka asii nguta kai shreng laq. Hawa Naga Bible 2001 Kvhtenc kvruex kuex vsawc baung maq phuiuz svy rax, miqwaz rulx rueq dvyx phuiuz svy juing; kvruex kuex vsawc phuiuz vsvy rvtueq. |
Kra maiqwe raq ngi ma nguto, “Ara jam wiinai arka asii. Ara jam wiinai arjaq Tatiwe man na chap wati, ramwebi raq asii pinthum honglu thun kra phaqsiq tlo. Ara khok thun arka asii, kha maq ramwebi raq asii pinthum ngam rea thun ka arjaq thütlo: rai awong honglu thun nai ngarai miitu honglu ngam thun kra, riimakla thiitham honglu akuq thun kra thütlo.
Arka asii hiq ba kiimaq phaqsiq ronglaq. Arka Tatiwe ma phaqsea honglu akuq kiiwa ümniirii nai ümsenai rii. Tatiwe raq ngi ma akha aming kuqto.
“Riita namnai kra ngarai-honglu ngam ka asii siqlaitap maq phaq man jamto? Arka pinthum asii ngamrea. Kiimaq Tatiwe raq mungmaiqse ngarai kra tiisii wan miitu namshiq ma a kuqto.
Raüta apaiq raq kra sku pongse ka asii ba ngarai-honglu nai chaqtlii-honglu tachang ba kiijaq mitaa. Apaiq raq arka klo raa dongdii. Jamkhano ngukla thiitham-honglu ka ngarai-honglu ka ramwe rii kiimaq arka pinthum asii.
Akhnok maiq riika Ngi ma phaqsea honglu na akuq kriika phaqsea mimai. Phan nai wiita asii phaqsea-honglu akuq kra nai asii pinthum phaqsea-honglu akuq kra phaqsea mimai.
Kiiwa chantlaq abung ka ramwebi raq miphaq siq. Kriika winsii ma pi maq shohü maq kochang. Raüta asii khok Tombutiip Tatiwe asi rinkea kiimaq phaq chang. Arka Tatiwe ramwebi rii she nguta phaqsea-honglu akuq kiiwa phea kuqtlo. Arka asii pinthum, ngarai-honglu nai thiitham-honglu thun kuqtlaq kiikha.
Arka maiqpat ümchuwa saü wantlaq, kiijaq Aron saüse phan maiqwere thun raq Tatiwe ma akuq wa tsangshiq rii she apheakuq nguta phaqsiq wan ruq riichang. Maiq ahinti ashi ra raq ara phaqsea-honglu ara jaq miila sham raüla arjaq asii ningkun asi kriiraq kriiti ka mishthenbaiq.
Ara nyamse ka honglu na taketiwe ramwe raq ara ngam ka asii ba, Tatiwe asi Tombutiip rinkea maq phaq chang.
Ara ngam ka ramwe jamti maiqwere raq phaq dam mimai. Shatmaq arka asii hiq ba kriimiili phaq chang. Jamkhano ngukla arka asii pinthum.
“Arthun arthaq niimin, Israilnok raq akhek atiitsang laihin jaqmiiq Ngi ma kuqtlaq thun kriika ümniirii she miraq. Kriithun ka Ngi raq ümniima, ümsetiim ma, kiimaq ümse jechak setiim ma pattup pat-sa miitu she kuq tiikang. Ümjamtitiim khum asii maq siti loweatek raq arthun ara phaqsea dam mimai.
Asii pinthum honglu kuqtlaq thun wa, berong-wacha na wa na chaq mak honglu thun kriiwa, arthun arka ümniiriishe miraq: wong-honglu thun kra, ngarai-honglu thun kra, kiimaq thiitham honglu thun kra. Ngi ma ümchuwa ram tiibok honglu akuq thun kriika ümniirii nai ümsetiim rii she.