WEAWEA 14:4 - ASII LAKDAP Bible (BSI) Krai mren, tsangshiq liipan na weshi raq weshi ma akha nguto, “Nashiq liipan wa wela ashi tsea laita shong rong i. Laita Ejip mung niili jangho nong rong i!” Hawa Naga Bible 2001 Kvkhoc rvtueq tsuinghez rueq, “Naungshiq kuex Ejip mungx nuex tvyez shvlc wvnc jix walaungx washiz thvl ix!” ngoz tueq vdvmz dvmz rvjungc phvnc wuez tueq. |
Shatmaq jipi lüshi lütang nyasiq lanta, namshiq nilok mong maq ngamphu ka dong kili chang she, namshiq ka ngam raq ngiirai lanta namwok riim raq atsi tiibumhap she miraq. Akha namshiq ma misaü wan, jamkhano ngukla namshiq raq Tatiwe arjaq namshiq rai adam sitiwe ka weahü tiishaü baiqlan. Kiimaq namshiq ka Ejip mung wa laü wan manli riichang wa nguta bot nyan trang lan.’”
“Kiitin khan taü maq dongdii min, natitiim raq Mosheq raq achongkuq tsütsa bomtsi ka lang mak shiipheng baiqto. Tsangshiq raq apaiq bom chong ka no na tsuqbaiq raüta, tsangshiq tsan ka Ejip mung na jangkai nong roli siwanto.
Hokhamwe raq apaiq phenlabi miitu kumrang kong ka pahea thü mai mak. Kiimaq apaiq raq asenginok ka Ejip mung wa kumrang kong tri kai tiikai maimak. Jamkhano ngukla Tatiwe raq asenginok ka kra mung na ümtiikiimin jangkai maimak nguta nguto.
Tatiwe raq ümniika Ejip mung na hali kham jahat thun maq mitiiki baiq nong. Man na apaiq raq ümniika Ejip mung na jangkai nong ka raamak she miraq ngutiika nguto. Li jiimin apaiq raq ümniika kiina mitiiki baiq nong. Kiijaq namshiq raq nam khum ka namjaqtinok ma di ma misha kuq han. Shatmaq namshiq ka jurmin di ma rimak she miraq.”
Tsangshiq raq maiqmii hiqchü rachü miimbaiq thü taq kra miitu ka tsan na ranphan mak she riito. Tsangshiq raq hiqchü rachü kra lungwii shatli siwantaq ngu raüka, tsangshiq ka hiqchii na ajang mirwan nong wa.