WEAWEA 14:5 - ASII LAKDAP Bible (BSI)

⁵ Kiijiishe Mosheq nai Aron ka mungmaiqse khaki na hiq na bumki tlii bumkito.

Hawa Naga Bible 2001

⁵ Kvruex yimaq Moshe nuiyc Arun kuex miq htenc kvruex khaungkac nuex ghaq nuex bumx kaz wuez tueq.

WEAWEA 14:5 Referencias Cruzadas

RAPHA HIQWA LAK 17:3

Kiimaq Abram raq manto tiichhi atheaphi ka hiq na bumtlii bumto. Kiimaq Shiikeawe raq nguto,

1 HOKHVMX 18:39

Riita mungmaiqse raq kriithun ka chhi raütiishe tsangshiq tarü ka hiq na bumrang raüta akhiishe siitranghoto, “Tatiwe kiidea Shiikeawe. Tatiwe kli dea Shiikeawe ka!”

1 KAÜWA WERAÜ 21:16

Dawit raq rase ka rawang win na chap raü ajaq na nepjasai kaü sham raü Jerusalem wa maiq jiipbaiq miitu khekham chhito. Kiijiishe Dawit nai welabi thun tsangshiq ka wunthaü riinaü miirii sam raqraq kra hiq na bumrang tsang khakam maq hiq na bumtlii she bumki trangto.

EJEKIEL 9:8

Kra maiq thun jiipbaiq wantlaq akhing bala na, ngi ka kiijaq ngi honhonseli she riikang. Ngi ka hiq na kusaq bumkitlii lata, akha gikang, “Tati Rakaü Hiqwe lei, ümniika Jerusalemti ma kiitin khan tsankhiqhea dea sha, Israil mung na maiq abung atiichong ka wiita sha mijiipbaiq haü?”

DANIEL 10:9

Ümtiikiiwa ngi raq apaiq bomtsi ka taikang, ngi ka hiq na sunghü tsiihü she bumkikang. Lata itheaphi ka hiq thaq na bumtlii bumki kang.

LEWI 9:24

Tiihanghiiq miili Tatiwe raq wa tiisatto. Raüta chaqtlii-honglu akuq ngam kra nai ngampü akuq berong-wacha wiika wiita khiimbaiqto. Mungmaiqse raq kra chhi raüta, tsangshiq tarü gitrangto. Kiimaq tsangshiq tarü hiq na bumtlii kurang raüta shrengto.

WEAWEA 14:6

Kiimaq Nun se Joshua kiimaq Jephunne se Kelib, siwe wiinai raq tsangnai dü wa khea ka tsangnai tsanbitsi ma chai hea hea she chaito.

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

WEAWEA 16:4

Ümtiikiiwa Mosheq raq ara bom ka taitaq, apaiq ka hiq na bum kitlii raüta achu jaüto.

WEAWEA 16:45

“Namnai ka arkong artho wa jai nü kiina chap ronglaq. Ngi raq tsangshiq ka ümchaü li arjaq mijiip baiqha!” Kiijiishe tsangnai ka hiq na bum rang she bumkito.

WEAWEA 17:10

Kiijiishe Tatiwe raq Mosheq ma nguto, “Aron nyeakii ka Tongshong Tek kaü khaki na thüwa nongkiq. Arka Israilnok phongwa Ngi ngengtibi thun miitu tsangshiq raq bot nyantlaq kra tsaq mak lila siraüla, tsangshiq ka atsai miraq nguta hon chong bomtsi khake ma misilaq.”

WEAWEA 20:6

Kiijiishe Mosheq nai Aron ka mungmaiqse phong wa tiisot wanto. Raüta Tombutiip kilam chong na chap wato. Raüta tsangnai ka hiq na bum rang bumkito. Kiimaq makse chat-hit Tatiwe chhainyii liliim kra tsangshiq makki na chhai wanto.

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

JOSHUA 5:14

“Ngi ka namshiq phenlawe min riimang, kiimaq namshiq ma wesang min riimang. Ngi ka Tatiwe phenlabi pengti Ajong Phentuwe,” nguta treto. Kra tai raüta, Joshua ka kriiwe khaki na hiq na bumkisaq shomnoqto, Kiimaq, “Chaü lei, ngi ka ümdise. Ngi raq jamlai riichang wa?” nguta apaiq ma waito.

JOSHUA 7:10

Kiijiishe, Tatiwe raq Joshua ma chongto, “Tiido laq! Ümniika hiq na akha jaram bumsea wa?

Revelation 4:10

kiijaq nga tlaq shiilangbi weroqnai ri weblai kra riimin, hokham ngacho na ngati we khaki na, hiq na bumrang rang raüta, pattup pat-sa atra sitiwe kra shomnoq tlo. Tsangshiq raq tsangshiq khuphok ka, hokham ngacho na ngatlaq we khaki na tiiwe rangrang raüta, akha shomnoq tlo:

Revelation 5:14

Kiijiishe atra ngamkaü blai raq, “Amen!” nguta treto. Kiimaq kra nyungwere riimin hiq na bum rang raüta, Shiikeawe nai Skuse ka shomnoqto.

Revelation 7:11

Kiimaq, rasetiim thun kunli ka hokham ngacho na ngati we nai nyungwere, kiimaq atra ngamkaü blai tro na chap raqraq riito. Raüta, tsangshiq tarü raq hokham ngacho na ngati we khaki na, hiq na bum rang rang raüta, Shiikeawe ka shomnoqto.