THARC TVLUINGC 1:16 - ASII LAKDAP Bible (BSI) Ngi raq ngi nai ngi ka akha tiingo kang “Ngi ka Jerusalem na hokhambi ümchu wa siwantaq, kriithun thaq na taksma ajong pinthun. Ngi raq phanrap taksma tsii lap wan kang she. Kiimaq anyan phaqchi min ramram lapwan kang she,” nguta tiishom rasiq wan kang. Hawa Naga Bible 2001 Ngaz rueq ngvy shauk pumz muex ngoc, “Ngaz kuex ngvy max nuex Yerusalem guimz lawc wvnc jix hez htenc htauk nuex muinz tharc vjvnc lvp vtueq vyungx vluz miq vshiz muex yaungx wvnc tauk. Taksux tharc nuiyc phaqjic kuex vsuing yvmx lac rvtvnx ngaz rueq tuiuz yaq,” ngoz tueq kv-ngoc tauk. |
Shatmaq ngi raq arthun ara ajaq walata imak maq michhiwaha shaq niika kammang dea riikang. Shatmaq ngi riika arthun arwa khoko kriidea min taimang dea riikang. Ümnyan phaqchi nai ümtsiiq ümnyamtum jonglu ka, ngi raq ümchuwa taikang kriithaq niimin ajong achan ana asi.
Solomon ka shedong mungti taksma maiqse thun thaq niimin achan taksma riito. Kiimaq Ejip mungti taksma maiqse thun thaq niimin achan taksma riito.
Isenginok raq khunda thun ka Lebanon wa lamho raüta sammoktra chumkii kiina saüli miho kuqho. Raüta tsangshiq raq pepan thun ka adam na won ikha riikongriikong kharaüta khamthaq maq jükiikii kiimaq mitiicheho. Raüta ümniiraq khamjong kii binjü na ümriiba na won thun ka toqkai chang wa kriiba na miphongho. Kiijaq isenginok raq won thun kha ka midiikuq. Kiiwiishe ümsengi riishe arang ka milam. Ümniiraq isenginok ma rai awong thun kra chomrom kuqhaü ka ahea miraq.”
Kiijiishe Elisha jaqshise Gehaji raq apaiq nai apaiq ka akha tiingoto, “Itijongwe raq Naaman jaq wiika jamlai phan min jaü mak maq atu niili tiiwa baiqto! Siria mungtiwe raq apaiq ma jamlai phan wa kuqtaq kriika apaiq raq jaü chang wa. Atra Tatiwe mang na, ngi raq ajai ka mijo wanha. Lata ngi raq phanshi ra mijaü phaq wa ha.”
Tatiwe Israilnok Shiikeawe kli tiitsam i. Ramungtan nai mangjong hiq Tiiqtiwe! Apaiq raq Hokhamwe Dawit ma ase maiqshaq taksu pinthum kuqto. Taksma kiimaq phanrap na asap atsin, apaiq raq ümchaü Tatiwe miitu shomjam ashi kiimaq apaiq maiqmii miitu hokham jam ashi haichang nguta thapthi wantaq.
Tiikhai rokrok hai ronglaq lantea ngarai tang ka thaq ronglaq; arka tsan tiitsi lantea shiwea ronglaq, namshiq ümtiikiiwa chang na sanglili kontlan na.
Ngi ka rawa na tsan tsihea maq rashi hiqwea siwan kang; lata itsan mong na thapthi wankang, lata ngi nai ngi li akha riiwaiso wankang:
Maiqse rilung na polokhiq maq singa ka jamkhiiwa, kra ngi raq ritwan kang. Shatmaq kra pumsii polo rilung ka thiihü atuli.
Kiijiishe, ngi nai ngi she itsan mong na, “Riita ngi armin angiwe kiikha khoshi na dea wa chang siili jiika, ngi ka taksu we ma jalata, jamlai liip wa lapkang? Jam min ahü,” ngutiishe tiima wan kang.
Tengteng, ngi ka Jerusalem na ngi ma kongkhu na ümchu wa siwantaq, kra thaq na ajong pinthun riikang. Kiimaq ngi raq nyan phaqchi sap wan kang kriiraq ngi ma phanrap tii-ong wanto.
Ngi nai ngi ka akha tiingo kang, “Shiikeawe raq kechu maiqse nai ashut maiqse ka kappe ashi maq shin raütli tsangshiq kha ka mipho. Jamkhano ngukla, jaqsham kaiwa aweatek ka, maiqmiimii akhing na kha ka miphoqkuq.”
Chongthum ma mija jurwa, “Ngi miitu kiitelong jam mihaiha, rathong khok thun ka binlu binli mihaiha,” nguta ngutlaq. Krai mren apaiq raq ajam ka kitanpu thun thep thep haitlo, raüta maisak pe pen maq thep haitlo raüta rongshii maq lotlo.
Kiitiikaq apaiq raq akha nguto, “Liilaq! Bebilon mung ka ümtinkhan jongwa! Ngi raq ara Bebilon mung nyungchong ma tei wan kang. Lata iningkun jong nai iphen rung jong hongla kra tiichhikuq tiikang. Kiimaq ikhushü jonglu nai imangchong tsa jonglu kra tiichhi tiikang,” nguta tiishom ra siqto.
Dung chungkaq seati kriika maiqla she ngushat. Kriika maiqmii rilung na, Shiikeawe bomtsi kra lang raüta, Shiikeawe maklii na, jamlai wa ajiq nai alam kra tseatsiiq wan angam she. Kiimaq atsin she ngushat.