THARC TVLUINGC 1:16 - Hawa Naga Bible 2001

¹⁶ Ngaz rueq ngvy shauk pumz muex ngoc, “Ngaz kuex ngvy max nuex Yerusalem guimz lawc wvnc jix hez htenc htauk nuex muinz tharc vjvnc lvp vtueq vyungx vluz miq vshiz muex yaungx wvnc tauk. Taksux tharc nuiyc phaqjic kuex vsuing yvmx lac rvtvnx ngaz rueq tuiuz yaq,” ngoz tueq kv-ngoc tauk.

ASII LAKDAP Bible (BSI)

¹⁶ Ngi raq ngi nai ngi ka akha tiingo kang “Ngi ka Jerusalem na hokhambi ümchu wa siwantaq, kriithun thaq na taksma ajong pinthun. Ngi raq phanrap taksma tsii lap wan kang she. Kiimaq anyan phaqchi min ramram lapwan kang she,” nguta tiishom rasiq wan kang.

THARC TVLUINGC 1:16 Referencias Cruzadas

1 HOKHVMX 10:7

Yuq muinz ngvy muik maq tiq kvruex htenc lotlaz kuex ngaz rueq lawc kaz mauk wawwawx, kvruex thaungc kvmac kvmx lot mauk. Yuq muinz kvruex wawc kholak doc muinz ngaz rueq tay mauk shauk doc; mnoz taksux tharc nuiyc mtsak mnyvmx kuex ngaz muex jungx phuex htauk nuex muinz vjvnc paung yaq.

1 HOKHVMX 4:30

Solomon kuex shaldungc mungx wawc wvtharc jix hez nuiyc Ejip mungx wawc wvtharc jix hez lotlaz htauk nuex muinz jvnc vtueq taksux tharc httaz hvlc rvtueq.

1 HOKHVMX 5:9

Ngvy miq hez rueq Lebanon kanx maq svmuktvrax ruilx kox nuex httuiuc laz pulx htenc kuex pix tvshuk laq vtueq, kvruex htenc kuex wonz tvhungx ruiux mnoz rueq roc shuiux baung lix pauk juing nuex httuiuc laz ngaz rueq tvjoay kuq phaungx. Tsuinghez rueq kvruex maq wonz htenc kuex httak vtueq pulx htenc kuex mmiq hez yauk nuex kuq shuex. Mnoz kox maq ngvy miq hez muex lvmx svy romc lawc kuy tvkoc ngaz rueq raungc raq vshaungx,” ngoz tueq tvjungc yek tueq.

2 HOKHVMX 5:20

Elisha nvrc waz Gehazi rueq, “Ngvy jiyungx waz rueq Naman muex yvmx hup svmx muinz tvkuq muq maq dvyx tvwaung gay tueq ix! Siria waz rueq piq muex kuq tueq yauk noalc kuex piq rueq lvmc tvy aungx yaq. Kvkhoc rvtueq tvraungx httax yaq Yehowa maq piq kox wawc hup vsvmx phvnx shishiz lvp laz juing, piq yix nuex ngaz rueq yurc laq khaungx,” ngoz tueq vthuinz mungx maq kvbot tueq.

2 KAÜWA WERAÜ 2:12

Raungx nuiyc ghaq kuex tvdungc sungc jix Yehowa Israel Tishox muex tvtsvmc wuez shuinz! Vpiq rueq Hokhvmx Dawid muex taksux tharc vhttax vsaz washiz kuex kuq tueq, kvruex waz rueq majuiuc Yehowa rawc shomc yuimx vshiz nuiyc piq hokhvmx hoc kuex guirc tvkoc vtuiuz vtay tharc nuiyc vthenc vtuiuz tharc kuq tueq.

Tvtsvmc 4:4

Hisungx vtueq mvrax shuimx vshuinx kuex httvr gay shuinz; nuimshiq woalchuing htenc htauk nuex kuiyqshuik woalc tuinx nuex, kvruex lvmz kuex vthuiuz vsungx tvmaung wuez shuinz.

Tvtsvmc 77:6

Ngaz kuex wvrx taungx thuiuz hvlc tvmaung rvwvl wvnc tauk; ngvy thuinz maq rvwvl vtueq vruex lvmz kuex ngvy shauk pumz muex ngaz rueq wiz tauk:

THARC TVLUINGC 2:1

Ngaz kuex vkoz vkez httax vtueq kokez lvmx kuex yvmx lac rvtvnx thuiyc lawc tvkoc htvp htaz tauk. Yuq muinz vruex muinz khuec guez dvyx rvtueq lvmz ngaz rueq humc tauk.

THARC TVLUINGC 2:15

Ngaz rueq ngvy thuinz mungx maq, “Vngauk vngaz jix nuex yaungx wvnc tueq kvdvyx ngaz nuex muinz yaungx yaq. Kvkhoc rvtueq taksux httaz hvlc wawc yvmx lac lvp tvnx?” ngoz tueq jungx tauk. Ngaz kuex, “Khuec guez dvyx rvtauk, phvnx shiz muinz rvmuq jvnc,” ngoz tueq tvralc tauk.

THARC TVLUINGC 2:9

Ngaz kuex vyungx vluz rvtauk, Yerusalem nuex max khux vhttax wvnc hez htauk nuex muinz jvnc vtueq yungx luz wvnc tauk, ngvy taksux tharc rueq muinz ngaz kuex mkaq muinz tvsumx rumx muq.

THARC TVLUINGC 3:17

Ngaz rueq ngvy shauk pumz muex, “Tishox rueq tsuingrux nuiyc layx bac yauk shuimc lvmz kuex phox shuex, yvmx khoc lac ngoz ruiux lec shuimc vkay ruip rawx, honc vyaungc ruip rawx kuex vpiq rueq htvp htaz tueq vkhing nuex yaungx wvnc tuex,” ngoz tueq jungx tueq.

JEREMIA 22:14

“Ngaz rueq raungx htvp nuex htep htep khok htenc httax yaq yuimx yungx kuex ngvy shauk pumz maq guirx shaungx,” ngoz tueq jungx jix waz kuex vphoc rvhumc yaq. Kvkhoc rvtueq piq rueq vyuimx nuex katvnc puc tvpuc ruiux ruippulx maq ruk vtueq nvm-yaz shawx maq tsac shec tueq.

DANIEL 4:30

piq rueq, “Lawc shuiuz Babelon mungx kuex pinhtumc yungx luz yaq nyix! Kvruex kuex ngvy luimc vkawc nuiyc hungc vlaungc, ngauz vngax dung wvnc tvkoc muingjungc khushec tvkhic muex ngvy ghaqyungx tvyaungc muex ngaz rueq vtec rvtueq,” ngoz tueq jungx tueq.

Hebrews 5:14

Vlaung vtsaung phuiuz vsvy kuex miqlaungx shex hez tvkoc dvyx rvtueq, tsuingshiq kuex vphvnc vjvnc lvmx maq vhvlx nuiyc vbac tv-phvlc tuiuz wvnc jix hez shex rvtueq.