TAKSU LAK 16:12 - ASII LAKDAP Bible (BSI) Hokhambi raq abi kiimung ka ninlot mak; jamkhano ngukla, tingting kappe sham raüta, mung peng raütiq, mung atsing miraq. Hawa Naga Bible 2001 Hokhvmx bix rueq honc vbac yauk shuimc kuex tvlvy gay mvy muq, yvmx khoc lac ngoz ruiux lec hunglaungc vhttax mungx walaungx ngoz yaq kuex tvrac vlvmz nuex vtvhungx taq ningkhvnc nuex rvtueq. |
Tatiwe raq Jehoshaphat ma Juda mung ka peng wan miitu ningkun kuqto. Kiimaq apaiq raq mung ka jaqkhon pha maq pengto. Kiimaq mungmaiqse tlotli raq apaiq ma kongphiq jaq miiq pahea kuq wanto. Krai mren apaiq ka pinthum chiithejong ma jawanto kiimaq mungmaiqse raq apaiq ma pinthum anato raüta shreng wanto.
Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.
Hokhamwe riika tengteng bom tairotlo; jurwa tengteng chongtlaq, kra apaiq raq lungwiitlo.
Tatak tsii riichong raüta jaqsham raüla, phanrap milot. Tsii ka riichonghü maq, rekhat kai kimai.
Hokhamwe rung wa, abi tsii chongketi ka jobaiqlaq; raüla apaiq raq mung ka, tingting maq mipeng.
Hokhamwe raq, miitsan maiqse ka, tri kappe ashi miili shin raüla, apaiq raq mung ka alu misiq.
Tingting kappe sham raüta, hokham raq mungpeng raüla, mung ka atsing miraq. Shatmaq apaiq ka kampho miituli siraüla, mung ka athen mirki.
Shatmaq, atijong we raq jamlai jaqsham achong wa, kra sapmak kha maq, ajiq aphiq mosham mosham sham wanti we jaqshise kra riimin, mo ka miho. Shatmaq, apaiq raq mo ka achü linlin li miho. Riita, ju miiwa arang apa kuq taq, kriiti raq momin apa miho. Kiimaq ju miiwa arang ka atsap lin li kuqtaq, kriiti riika momin achhü linlin li miho.”
Kiijiishe, ngi raq ramungtan ka atiidi raü chhikang. Kiimaq kiijaq kumrang alü kaü ashi chap raü chhikang. Kriithaq na chaoti we mang ka Tsapkapkap nai Riikhaqli nguta ngutlo. Apaiq riika tingting maq kha pho tlo. Raüta re ka khattlo.