TAKSU LAK 29:4 - ASII LAKDAP Bible (BSI)

⁴ Tingting kappe sham raüta, hokham raq mungpeng raüla, mung ka atsing miraq. Shatmaq apaiq ka kampho miituli siraüla, mung ka athen mirki.

Hawa Naga Bible 2001

⁴ Hokhvmx waz kuex tvrac vlvmz nuex jvp yaq nuex, mungtan kuex hungc vlaungc httax yaq, yuq muinz muinghic kuimphox dvyx lvp roc jix waz rueq piq mungtan kuex tvbac rvgay shuex.

TAKSU LAK 29:4 Referencias Cruzadas

2 SAMUEL 8:15

Dawit raq Israil mung tlotli ka pengto. Kiimaq apaiq raq asengi mungmaiqse wiitarü ka mren mra chhaq kiimaq tingting tri raüshi maq shin raüta peng wan miitu shiithuk wanto.

1 HOKHVMX 2:12

Awe Dawit pum ka Solomon raq songto. Raüta hokham ma jato. Kiimaq apaiq raq hokham ngacho ka phataqtaqhea she tiipha wanto. Raüta mung ka peng wanto.

2 KAÜWA WERAÜ 9:8

Tatiwe üm Shiikeawe kli tiitsam! Apaiq raq ümniika apaiq mang maq mung peng wan hokhamwe ma shongto. Raüta apaiq ka ümniima kai khoqriiq tiikang nguta tiichhikuqtlo. Jamkhano ngukla apaiq raq asengi Israilnok ka kai lungwiitlo. Kiimaq apaiq raq Israilnok ka pattup pat-sa miitu tiiwongke wan lungwiitlo. Kra ningkhan apaiq raq ümniika tsangshiq khuthaq na hokhamwe ma shongto. Arka ümniiraq mung ka jaqkhon aphaq maq tri ka sham lata kiimaq tingting tri maq peng wan miitu shongto.”

YOBA 11:6

Raüta apaiq raq ümniima taksu tsii ka phan phan tiina nguta michongkuq wa; maiqse raq taklot mak phan tsaühea asi. Shiikeawe raq ümniima mo tiiho tlaq kriika, achii lin li tiiho tlo, kriithaq na alaiq lin hohaü chang wa.

Tvtsvmc 89:14

Ümmungtan kechu jaqsham nai tingting kappe kham maq ashong wan; lungwii tsantsii nai tsapsaü kapse kli ümjaqsham kunli na tiichhitlaü.

Tvtsvmc 99:4

Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.

TAKSU LAK 14:34

Kechu jaqsham raq, maiqmung tiijongtlo. Shatmaq ngarai riika, mungkhushü jamtlo.

TAKSU LAK 16:10

Hokhamwe riika, Shiikeawe arang maq bomtlo; kra ningkhan, apaiq raq thapthitlaq ka riikhaqli.

TAKSU LAK 16:12

Hokhambi raq abi kiimung ka ninlot mak; jamkhano ngukla, tingting kappe sham raüta, mung peng raütiq, mung atsing miraq.

TAKSU LAK 20:8

Hokham ka rung na ngatlo, raüta juwa ajiq kra chüp baiqtlo.

TAKSU LAK 29:14

Hokhamwe raq, miitsan maiqse ka, tri kappe ashi miili shin raüla, apaiq raq mung ka alu misiq.

TAKSU LAK 8:15

Ngi raq hokhambi mungpeng na khrum tiikang, kiimaq tuwebi ma tri ahea tiiq wan na khrum tiikang.

ISAIA 49:8

Tatiwe raq asenginok ma ngutlo, “Namshiq tiichhiike wan akhing saü raüla, Ngi raq namshiq ka mikhrumkang, kiimaq namshiq raq khrum jaü hoqtrangtlan kra mitreha. Ngi raq namshiq ka mikheha lata mitiiwongkuqha, kiimaq ümnaq lümaq maiqphan thun tlotli rai tong mishong wanha. Ngi raq namshiq ka nammung na hali mitiishong nga wan nongha, ümchaü hiqmiq changkhü ikha sitlaq kiijaq.

ISAIA 9:7

Apaiq hokham ningkun ka jong wan ruqli miraq; apaiq mungtan ka wranaiqshe mungtsing miraq. Apaiq ka Dawit Hokham pumsongtiwe miraq, apaiq raq tri kappe ka tingting kiimaq riikhaqli maq milang wan, ümchaü ranaiq maq pha wan raüta, phangthum ranaiq na saüli. Tati Ajong Pinthum raq arka mishamha nguta atoqtan wanwi she dongdii.

DANIEL 11:20

“Riita apaiq jai na maiq hokham weshi hali midong wan nong. Raüta apaiq mungtan tsiiq tum kra tiipa wan miitu, asengi siihiip weshi tiiwa raüta, mungmaiqse jaq wa, phunta ka apapa hiwan raa nguta mungmaiqse ka mishtep wan. Shatmaq jaqlo liipan niili hokhamwe ka atsea mirbaiq. Shatmaq mungmaiqse makki na riimak kiimaq rekhat lam maq min riimak.”

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

1 SAMUEL 13:13

Kiijiishe Samuel raq, “Ümniiraq ashut pinthum klo laü,” nguta treto. “Ümniiraq, Tatiwe üm Shiikeawe raq akuq aming lang maüdea riilaü. Ümniiraq aming ka lang haüjaq, apaiq raq ümniima nai ümsaü ümsetiim ma pattup pat-sa miitu Israil mung ka mitlang wan chang wa.