Matthew 27:60 - ASII LAKDAP Bible (BSI) Raüta apaiq raq amakho miitu nguta longkhok anye ashi awatthü kra mong kiijaq Jesuq ma ka saiqsam thüto. Raüta apaiq raq longkaü ajong wiq ashi maq longsha kilü kra shaq thüto. Raüta apaiq ka jam niishe wawanto. Hawa Naga Bible 2001 piq tvkoc lung rauk nuex vwvt guirx shec luip ruiuz khux vnyalx kvyuq htawc taq tueq. Kvruex yimaq lung kuiux dvmx yunghvlc maq luip kaluix kuex puingc shec ruiux kaz wvnc tueq. Muklom Etho piq tha anal màng bungching o shingta, esha arong long eq qhit shingta etho ubungching kalung sha ajong long thum eq kip shingta etho piq qhing chuwang ta. |
‘Iwe ka atsai wanho nini na, apaiq raq ngi ma, apaiq maa ka Kanan mung na apaiq raq maalap chiim tiijeje thüthütaq kiijaq milap waha nguta kiq tiikhamto. Kra ningkhan ngi ka mangchan laüta Kanan mung na tiiwa laq. Lata iwe maa ka saiqsam wapha. Kra lot la tiitiq ngi ka mijangki kang.’”
“Ümniika ju nguto tiima tlaü? Ümmaa lap miitu longraq kam kiijaq longsha maakho watthü miika arang jamwo laplaü?
Apaiq maa ka maakho na abi maiqsetiim rai thüdamto, apaiq maa ka chiithe maiqse rai lap damto, apaiq riika jangshi dongdii min ashut klo mak dea, riimakla jangshi ra min arot chong mak riito.”
Krai mren she, tsangshiq ka kiraüta makho longsha kilü ka thep tiisan shaqto. Raüta kilü thaq na tsangshiq raq sil maq lo raüta thüto. Raüta phenlanok ma tiikhe thüto.
Kra liipan na tiihanghiiq miili, henghea langlang hiqjong muto. Kiimaq maklii liipan niili, Tatiwe rase ashi ka ra wa satki saq saükito. Raüta, apaiq ka longsha makho kiina kokkok wato. Raüta longsha kilü longkaü kra linhok tiiküsaq linbaiqto. Raütiishe apaiq ka kra longkaü thaq kiijaq ngasaq ngakito.
Jesuq ka atsan na mangchan tsihea maq, maa lap chang longkhong kii na, longkilü shaqje tho kiiniishe kito.
Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.
Jesuq tsea baiq chang tho kiijaq, achhi araq Olip pero ashi asi. Kiijaq maiq maalap chang longsha tiip, maiq maa laphü anye tingsang shaq ashi asi.
Chepat ranap na, ranap chu maq Magdalani hiqti Meriq ka maakho liikai nguta kito. Apaiq raq maakho shaq chang longkaü kilü kriika adi baiq rea wishe chhihoto.