John 11:41 - ASII LAKDAP Bible (BSI)

⁴¹ Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.

Hawa Naga Bible 2001

⁴¹ Kvkhoc rvtueq tsuingshiq rueq lungkuiux kuex tvhttot gay tueq. Kvkaq Yesu rueq raungx nuex lawc vtueq, “Iwaz lex, mnoz rueq ngvy kvjaz tay kuq vphux ningkhvnc nuex ngaz rueq mnoz muex kejux vyungx ngoz vphaungx.

Muklom

⁴¹ Ethirangma ning aa long tha thit thumta. Ethi jio Jesu aluk náng siin eq batta, “Iwa, nang aa iraaq utat sey tu rangma kechu ajong kophang.

John 11:41 Referencias Cruzadas

Tvtsvmc 123:1

Tatiwe lei, ngi ka ümjaqli liitiikang, ramungtan na saüli, ümniiraq mung peng chang na saüli liitiikang!

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 11:26

O i We le, ümniiraq akha mihong tha wan laq nguta dea tiihongtha kuq wan laü.”

Matthew 27:60

Raüta apaiq raq amakho miitu nguta longkhok anye ashi awatthü kra mong kiijaq Jesuq ma ka saiqsam thüto. Raüta apaiq raq longkaü ajong wiq ashi maq longsha kilü kra shaq thüto. Raüta apaiq ka jam niishe wawanto.

Mark 15:46

Raüta, Joseph raq raihi-nairai kheathum ka ashi rito. Kiimaq, Jesuq ma ka pumsongkham wa tiisat lamto. Raütiishe, ama ka bannin kheathum kiimaq jop raütiishe, raqkam na longkaü jonghea kiijaq, maiq ma lap kai miitu, longsha awat thü kiijaq, Jesuq ma ka saiqsamto. Raüta makho kilü kriika, long pen kaü jonghea ashi kra tiikü hit raüta, shaq baiq thüto.

Luke 10:21

Kra akhing na, Jesuq khum na Asii Wenyi ka ama riito. Krai mren, apaiq ka kai chochito. Kiimaq apaiq ka akha achu jaü bomto, “Iwe lei, ra nai hiq Rümtiwe lei! Ngi raq ümniima pinthum kechutum tiikang. Ümniiraq phaqchi maiqse nai asap atsinti maiqse miika, arthun arka apaü riiwan tlaü. Shatmaq, jam min saptsin makti ma, ümniiraq arthun ara tiichhi kuq tlaü. Ngohea dea, i we lei, ümniiraq tiima tlaü kra phan phan she dea hongtha wanto.

Luke 18:13

“Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”

Luke 24:2

Tsangshiq raq makho longsha kilü ka atiikü lin baiq rea wishe chhihoto.

John 11:22

Shatmaq, ngi raq asapha, ümchaü li jiimin, ümniiraq Shiikeawe jaq wa apaiq miitu jamlai phan wa mijaü haü, kriika tang lichang ningkun mikuq.”

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

John 20:1

Chepat ranap na, ranap chu maq Magdalani hiqti Meriq ka maakho liikai nguta kito. Apaiq raq maakho shaq chang longkaü kilü kriika adi baiq rea wishe chhihoto.

Acts 7:55

Shatmaq, Stephen ka Asii Wenyi raq ama rom wanto. Krai mren, apaiq raq ra nü na liito. Raüta, Shiikeawe khushü ngao chhainyii liliim kra chhito. Kiimaq Jesuq Khristo ka Shiikeawe ma jaqtsi nü na achap raü chhito.

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.