Matthew 14:6 - ASII LAKDAP Bible (BSI) Shatmaq Herod rawüchhi poi akhing ranaiq na, Herodias se jechakse ka poi lomdamti, maiq ajong ala mungtu shiilangbi thungtii rai tlaq kra man na wiinumto. Apaiq wiinum kra chhi raüta, Herod ka kai chochito. Hawa Naga Bible 2001 Herod piq jawc raungnuiyq httuiuc tueq nuex, Herodia saz yalxjuik saz kuex miq htumc nuex moalx kvyuq kaz vtueq wvnuemz nvyx kuq ruiux Herod thuinz kuex pinhtumc tvhvlc kuq tueq. Muklom Herod ukhi saal o Herodias miqnu sa tha winwa thim o ninta. Herod rapney sungrang ta. |
Kiimaq apaiq rawüchhi ranaiq na, kriimaq ranaiq tsam sijai na, hokhamwe raq phaqsea poi jonghea kloto. Raüta apaiq sengi siihiipbi ma tiiphaq siqto. Kiimaq apaiq raq chekok tsümketiwe nai winsii lumti maiqlawe ka phaqtek mong wa tiidongto. Raüta tsangnai ka asengi siihiipbi man na tiichapto.
Raütiishe, hokhamwe raq Esthar shreng ma, phaqsea poi jonghea kloto. Kiijaq asenginok ajong alabi kiimaq mung pengti thun ka tiiheato. Kiimaq apaiq mungtan tlotli na ümchaü ranaiq ahailii nguta aming kuqto. Kiimaq hokham jaqmiiq thekli kongphiq thun pheakuqto.
Herod tsan na akha tiima taq kriika, apaiq raq kongkhu ji na Johan ka lap raüta kharü maq kha raüta phaqtek mong na shaq thüto. Apaiq raq Johan phaqtek na shaq wantaq kriika, apaiq raq ano Philip tanyung Herodias kra romphaqtaq kra kha lümaq shaqto.
Krai mren, nokwe man na, achochisi tsi ma, Herod raq, “I se le, ümniiraq jamlai phan wa ro tlaü, kra jaü laq, ngi raq atiitum lata chongtiikang, ngi riika mikuq kang dongdii!” nguta ase ma tiitum tiita raüta kiq kham kuqto.
Raüta, tsangshiq raq Jesuq ma bom ka akha waito, “Shrinketi we, Mosheq raq maiq ashi laihü maq tsaiki raüla, tsang-nyung ka wulum we ma kiima aphu ano raq rom wan chang miraq nguta chongtlo. Kiimaq tsangnai setiim ka wulum we ma kra lai miishe mija wan nguta chongtlo.
Kiimaq, Jesuq raq ümtinkhan wa jaqsham wantaq kra tsa ka, barap binrii niishe nyam wanto. Hokham we Herod riimin arthun tsütsa ka taito. Maiq wiijamti riika, “Apaiq ka Khamlamketi we Johan ira, ama wa powa nongto! Kriikha maq, apaiq raq atinkhan, awang chang jaqshamtlaq ara,” nguta riichongtlo.
Herod apaiq raq, Johan ka tlap raüta, jinraü maq tiikha raüta, phaqtek na shaq thüto. Herod raq, ara matkii shong wantaq arka, apaiq raq anochhi nyung Herodias kra rom wantaq, kra kha na tiitsat baiqto. Herodias ka apaiq ma anowe Philip tanyung shatmaq, apaiq raq rom wanto.
Arkhana Herodias raq, Khamlamketi we Johan ka kai ngeng siqto. Kiimaq apaiq ka atsea baiq wan ma tan khan wan ruq li riito. Shatmaq, Herod raq liishat kha maq, tsatbaiq wan lot mak dea riito.
Jesuq raq tsangshiq ma, “Namshiq ka Phorisinok nai Herod pithob kiima hon kamshat maq sirong liijo,” nguta tsii chongkuqto.
Kra akhing na Phorisinok wiijamti ka, Jesuq phana wa raüta, “Ümniika Gelili wa ümchiim jintlo laq. Herod raq ümniika atsea baiq tantlo,” nguta apaiq ma chongto.
Herod raq apaiq phenlanok rai adam maq, Jesuq ka pinthum haihii siqto. Kiimaq, tsangshiq tarü raq thophi riiqphi saisito. Raütiishe, apaiq raq tsangshiq ma, apaiq dü na bannin kheathum ajong hokhambi raq samchang ashi kriishe tiisam kuq ronglaq nguta thaüto. Kra lot jai she, Herod raq Jesuq ka Pilat rung niishe hali tiisheaho nongto.
Apaiq raq Jesuq ka Herod sengi hiqshong wa nguta sap raütiishe, Jesuq ka Herod rung niishe tiishea wanto. Kra bala Herod ka Jerusalem na aki chato.
Kra akhing ka, Roman Hokham we Tiberias raq Hokham jawan li maq, wiiroqshi ri wiibiingi she riito. Pontias Pilat ka Judia wang na Wanghupti we riito. Herod ka Gelili hong na hokham riito. Kiimaq ano Philip ka Iturea nai Trakhonitis hong lang wanti riito. Lisanias ka Abilene hong langti riito.
Shatmaq, Johan raq Wanghupti we Herod kriika ason riito. Apaiq ka jamkhano sonta ngukla, apaiq raq anochhi-nyung Herodias kra romphaqto. Kiimaq apaiq raq abi ngarai pahea tang wantaq kriikha na sonto.
Kiimaq Herod rung na jaqshamti siihiip we Chuja tanyung Joana, kiimaq Susana thun kra riito. Kiimaq jechakre pahea ahinti, Jesuq nai ajaqshisetiim ka tsangshiq tsiiq anyam maq khrum kewan damtibi thun kra wadamto.
Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.