Acts 4:27 - ASII LAKDAP Bible (BSI)

²⁷ Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

Hawa Naga Bible 2001

²⁷ Kvrulc rv-ngvlc Herod nuiyc Pontu Pilat kuex Pungnuk miqsaz htenc nuiyc Israel miqsaz htenc rulc vdvmz nuex mnoz vsawc Nvrc Waz rvtueq mnoz rueq Mesia tvyaungc toq Yesu kuex khawc lvlc tvkoc vruex ghaqyungx vyuq rvtuimx wuez yaq.

Muklom

²⁷ Chammatakoi asing wang asang ba sanga Jesu bara nang aa Messiah ta shing tu piq sha miiksuk eq Herod nia Pontius Pilate aa Gentile phan nia Israel miqtang jamoq iri samhaq ro thajoq ta.

Acts 4:27 Referencias Cruzadas

YOBA 14:4

Maiqse rilung shekhiq kiiwii ka phanshi ra asii ka jamwo midong.

YOBA 15:14

Maiqse ka asii maiqse nguta weshi ra asi shea? Shiikeawe makki na maiqse weshi ra ka riikhaqli asi shea?

YOBA 25:4

Shiikeawe makki na kechu maiqse riimakla asii maiqse ashi ra asi shea?

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

Tvtsvmc 45:7

ümniiraq riikhaqli jaqsham kra lungwii tlaü; kiimaq abi kiimung ka tsaihai tlaü. Arningkhan Shiikeawe, üm Shiikeawe raq ümniika tsea wanto raüta hokham ahinti thaq na ümniima asho awo chochi kuqto,

ISAIA 37:26

“Ümniiraq arthun hong wantaq arka rathup rapha niiphü Ngi raq athapthi wan ngoka tai maü shea? Krai mren, ümchaü Ngi raq arthun ara klo wan kang she. Ngi raq tiina ümniima kiitelong maq peruk weshaü tangphak phak aruk chela thun kra botkhulai rai shottlii tiithen baiq wan miitu ningkun kuqkang.

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

Matthew 14:1

Kiitin choji Gelili wang langti we Herod riika, Jesuq raq jaqsham wan tlaq kra nai traho kuqtlaq tsütsa kra taito.

Matthew 14:3

Herod tsan na akha tiima taq kriika, apaiq raq kongkhu ji na Johan ka lap raüta kharü maq kha raüta phaqtek mong na shaq thüto. Apaiq raq Johan phaqtek na shaq wantaq kriika, apaiq raq ano Philip tanyung Herodias kra romphaqtaq kra kha lümaq shaqto.

Matthew 14:6

Shatmaq Herod rawüchhi poi akhing ranaiq na, Herodias se jechakse ka poi lomdamti, maiq ajong ala mungtu shiilangbi thungtii rai tlaq kra man na wiinumto. Apaiq wiinum kra chhi raüta, Herod ka kai chochito.

Matthew 21:28

“Riita ümchaü namshiq raq jamkho mitiima han? Maiq weshi se ka siphu wenai. Awe raq chhikhu we ka, ‘I se loi ümchaü ranaiq spiqtsi ro na jaqsham kikiq,’ nguta thaüto.

Matthew 23:37

“O Jerusalem, o Jerusalem! Ümniiraq shammibi thun ka tsatbaiq wan laü. Kiimaq Shiikeawe kiimwebi thun ümniiphana atiiki thun ka long maq tiiqbaiq wan laü! Ngi raq ümse ümno thun ka ümtinkhan wa i wokhong na, wukaü raq asetiim ka wowan tlaq ikha wowan hajaq nguta tsinngin wan kang. Shatmaq ümniiraq ümsetiim ka ngi ma tiiwo wan maü riilaü!

Matthew 27:2

Tsangshiq raq apaiq ka ajaq ka raü maq kha raüta Roman Wanghupti we Pilat rung na hithoto.

Mark 10:33

Apaiq raq tsangshiq ma akha chongkuqto, “Tai ronglaq, nashiq ka Jerusalem na kitiikai. Kiijaq Maiq Se ka ramwe jongbi nai Thungtri shrinketibi jaqkhon mong niishe mishaphaq baiq. Tsangshiq raq apaiq ka atsea baiq chang nguta matkii misü. Raüta, Pongnok phan maiqse jaqkhon mong na misha phaq baiq.

Mark 15:31

Kiikhiisii hali, ramwe jongbi nai Thungtri shrinketibi riimin, Jesuq ka slailiisiqto. Tsangshiq liipan na, “Apaiq raq nanok ka tiichhii kuqto. Shatmaq, apaiq khum ka tiichhii phaqtsü mak nya.

Luke 1:35

Kiijiishe, rase raq abom ka tre nongto, “Asii Wenyi ka ümkhum na miki. Raüta, Shiikeawe ningkun ka ümhan na mishang. Krai mren, Asii no kriika, Shiikeawe Se nguta mingu.

Luke 22:63

Kiijiishe Jesuq kheti hokranok raq, apaiq ka haihiito. Kiimaq tsatto.

Luke 23:1

Krai mren, Rung welabi thun ka tsangshiq ngongthun kra lot raütiishe, tri raü ka shatje miishe, wiikongtam tiido rang riito. Raüta, Jesuq ka Pilat rung niishe sheahoto.

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

Luke 9:22

Kiimaq, apaiq raq tsangshiq ma akhri chongkuqto, “Maiq Se ka pinthum chamchao chang dongdii. Kiimaq welabi raq nai ramwe jongbi raq, kiimaq Thungtri shrinketibi raq shleq baiq chang dongdii. Apaiq ka atsea mirbaiq. Shatmaq, apaiq ka ranaiqtsam ngo jai maq, atra hali mitiidong wan nong.”

John 1:11

Apaiq ka maiqmii mung na kito. Shatmaq, maiqmii mungti raq, apaiq ka tao mak dea riito.

John 10:36

Riita ngi arka I We raq dadüdü atsea riiwan raüta mangjong hiq na tiikito. Kriikha maq, ngi ka Shiikeawe Se nguta tiichong tiikang. Ara tiichong tiikang arkha na, namshiq raq ngi ma riikhiq apii ashut bom tlaü nguta kha ka jamkho nyan tlan?

John 18:28

Ranap chu maq, Jehudinok welabi raq, Jesuq ka Kaiaphas jam maq Wanghupti we jam niishe sheahoto. Jehudinok welabi ka Wanghupti we jam wang mong niika wamak dea riito. Tsangshiq raq kra ranaiq ka Tiichhii Wan Poi dung sia chang. Kiijaq jam mong na wa ka tsangshiq ma apii. Kiijaq waraü ka tsangshiq khum ka misheki. Kriikha maq, tsangshiq khum ka asii thü raa ngo maq, tsangshiq ka jam wang mong na wamak dea riito.

John 18:29

Kra ningkhan she, Wanghupti we Pilat ka rintsii na dongki raüta, “Namshiq raq arwe ma jamlai kha wa nyan tlan?” nguta tsangshiq ma bom ka waito.

John 19:34

Shatmiitiina, phenlanok phong wa kongti weshi raq, apiq maq Jesuq siimpii na shukto. Kra shuk ri li she, piq mi kriimaq tiijai nai kham ka ajia lili she dongto.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 2:27

Shiikeawe ümniiraq ngi ka wulum mung na tiinam baiq maü. Ümjaqshise maiqshaq ashi ka, maakho niili ka triim baiq maü.

Acts 4:30

Kiimaq, asii üm Luqkhapse Jesuq mang na, pinthum awang chang nai amao chang jaqsham ka, atsi asiti ka tiihea kuq laüta, ümningkun jong kra tiichhi kuq laq,” nguta achu jaüto.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.