Mark 2:18 - ASII LAKDAP Bible (BSI) Akhing ashi na Khamlamketi we Johan jaqshisetiim nai Phorisinok ka amang maq achu jaü wan akhing lamto. Kra akhing na maiq wiijamti ka Jesuq phana kiraüta bom ka akha waito, “Khamlamketi we Johan jaqshisetiim nai Phorisinok riika, amang maq achu jaü akhing lam tlo. Shatmaq, ümjaqshisetiim raq miina, lang mak?” Hawa Naga Bible 2001 Laukshiz Yuix Luip Yohan sangac bix nuiyc Pharise nuk kuex phuiuz svy mamc wuez tueq. Miq vbez kuex Yesu kox nuex kaz vtueq, “Yuix Luip Yohan sangac bix nuiyc Pharise nuk sangac bix kuex phuiuz svy mamc wuez yaq, yuq muinz msangac hez rueq yvmx ngoz tueq lac phuiuz svy mamc muq rvyaq nguinx?” ngoz tueq wiz tueq. Muklom Jukshey John jungthalamtey jiphantey tang etho Phorisi tang wokcham tong chey ta. Chamtey miqtang Jesu relnáng thu eq pitta, “John jungthalamtey aa ujiphantey tang etho Phorisi jiphantey tang wokcham tong aa, etharin ba jiphantey tang ri wokcham tong moq chama ang aa?” |
Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.
“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.
Akha jaü haü jiitiq, maiq raq ümniika amang maq achu jaü sitlo nguta sapmak miraq. Ümniika maiq raq mak maq chhilot mai üm We riili michhi. Kiimaq pumsii maq achu jaü chhiti üm We raq ümniima poksi mikuq.”
Kiijiishe Jesuq raq treto, “Maiqlam poi lomdamti, wanwe ka ram ma tiihaü raütli tiiwa chang ngutiika thung asi sha? Ahü! Rohunti we ka tsangshiq rai ngashat wiiwii, ramtsi miika tiitsai mak.
Ngi raq chepat shi na, ranaiq nai ka amang maq achu jaü tiikang. Kiimaq aroq khu wa honglu ka tiikhea mang phan maq kuq tiikang,’ nguta achu jaüto.”
Shiikeawe raq maiqse ka jamkho kechu maiqse ma tiija wan tlaq, raüta apaiq rai wehea miishe tiija wan tlaq, raüta awura maq tiiham wan tlaq, kra tri lamphan ka tsangshiq raq takmak miili sirai tlo. Tsangshiq riika Shiikeawe raq atankuq wan riikhaqli tri lam kra phan wan rii na, tsangshiq maiqmii tri lam tan raüta, kra lam ka phan raüta sitlo. Krai mren, tsangshiq raq, Shiikeawe raq atan kuq riikhaqli kechu maiqse ma jawan lam, kriika phan mak riitlo.