Luke 9:4 - ASII LAKDAP Bible (BSI) Ju ta jam no namshiq ka tao tlaq, chela ahin na miwa wan han shaq wiiwii, kra jam kiijiili jap rong laq. Hawa Naga Bible 2001 Nuimshiq mruex yuimx nuex lac duiz tuinx kvruex ghaq kvmaq kvtenc wvnc muit wawwawx kuex kvruex yuimx kvyuq lawx httax kuinz. Muklom Ashey samhaq náng ka inn jo chamtey him wang nim wangphin ta halphin jo eshi samhaq sha shingchak wey min nángduk eshi him shina hun tong inn. |
“Namshiq ka maiqhiq chela ashi na, lo maiqhiq shong ashi niiwa saüho han jiila, kra hiqshong kiijaq warong laq. Lanta, namshiq tao wanti wandü jam kra rit wan lili rong laq. Lanta, kra hiqshong maq maiqhiq ahin na mitiido wan han shaq wiiwii, maiqmii wanti ta jam kiijiili sirong laq.
Kiimahali, apaiq raq tsangshiq ma chongto, “Namshiq ka ümra chelati riiwa tao tlaq, maiqhiq ahin na miwa wan han shaq wiiwii ka, kra namwanti we jam kiijiili sirong laq.
Tsangshiq ka wanhiq na tiikaiho ma, akha tsii chongkuqto, “Wanhiq khum lam chrit chiikha kiimin naqho rongkiq. Nyeakii kiimin naq thiho rongkiq. Thongkhiiq kiimin naq wiho rongkiq. Kampho ka rongho ra mak. Samtong jong achan kiimin lamho ra mak.
Ümra chelati riiwa, namshiq ka tao mak, kra chelati miika, namshiq hokphi wa botkhulai kra anaü riibaiq thü lanta wawan ronglaq. Kriika tsangshiq ma honlam bomchong kethü she miraq.”
Krai mren, apaiq nai ajamtitiim thun raq kham lamto. Kiimaq apaiq raq naishiq ka tsangjam na hea wanto. Raüta, “Riita shra jongwetiim lei, namshiq raq ngi ka riikhaqli Tatiwe ma kamti ashi nguta mangchan tlan jiila, naijam na warong i” nguta hea wanto. Apaiq raq naishiq ka tsangjam na wa raa ma nguta shiichutto.