Acts 16:15 - ASII LAKDAP Bible (BSI)

¹⁵ Krai mren, apaiq nai ajamtitiim thun raq kham lamto. Kiimaq apaiq raq naishiq ka tsangjam na hea wanto. Raüta, “Riita shra jongwetiim lei, namshiq raq ngi ka riikhaqli Tatiwe ma kamti ashi nguta mangchan tlan jiila, naijam na warong i” nguta hea wanto. Apaiq raq naishiq ka tsangjam na wa raa ma nguta shiichutto.

Hawa Naga Bible 2001

¹⁵ Piq maq phaungc vtueq tsuingshiq wvyuimx tuimx rueq yuix luip lvmz wvnc wuez tueq, kvruex yimaq Lidia rueq nuiyshiq muex, “Ngaz kuex Taungjix muex kvmluimx jix miqsaz rvtauk lvmz nuimshiq kvmx vtuinx ngoz ruiux kuex ngvy yuimx nuex duiz kaz luit,” ngoz tueq nuiyhez kuex laungc maq gvl wvnc phuex.

Muklom

¹⁵ Piq nia uhimtey tang aa junglam jio, piq aa í uhimnáng halta etho tinthanin eq batta, “Nim aa nga raa Teyhungwa hantey ta tathin inn jo i himnáng wang eq tong wangphin.” Piq aa í ma numney eq batta.

Acts 16:15 Referencias Cruzadas

RAPHA HIQWA LAK 19:3

Shatmaq apaiq raq tsangnai ma kai tiipaiqneato. Krai mren tsangnai ka Lot rai apaiq jam na wawanto. Raüta Lot raq ajaqshi setiim ka winsii lumronglaq nguta thaüto kiimaq wanwenai miitu phaqsea ka aheawiq kloto. Ümtiikiiwa kra tiijelottaq, tsangnai raq phaq siqto.

RAPHA HIQWA LAK 33:11

Mangchan laüta ara kongphiq ngi raq ümniima alamhoha arka taolaq. Shiikeawe raq ngi ka kai mangchanto. Kiimaq ngi ma phanrap jam lai wa raa tlaq kra wiita kuqto.” Kiimaq apaiq raq mitaoshaq wiiwii Jakob raq shetang tiipaiq neato.

2 HOKHVMX 4:8

Ranaiqshi Elisha ka Shunem hiq na wato. Kiijaq siti chiithe-nyung ashi riito. Kriinyung raq apaiq ka dung siq wakiq nguta tsangjam na heawanto. Kriimiiphat she apaiq ka Shunem hiq na kitlaqtek na kriinyung jam na dung siqtlo.

Matthew 10:41

Jurwa Shiikeawe shammi tao tlaq, kriiti raq shammi we rii wa, kongphiq milap. Jurwa Shiikeawe aming langti tao tlaq, kriiti raq maiqshaq we rii wa poksi milap dam.

Matthew 3:6

Tsangshiq raq maiqmii ngarai ka tiidii wanto. Krai mren, Johan raq tsangshiq ma Jordan rai na kham lamkuq wanto.

Luke 14:23

Krai mren hali, atijong we raq ajaqshi se ka thaü nongto, ‘Kilaq, maiqhiq shong walam kiina, nai tung alam angu thun kriijaq, kiimaq wak ajam thun kiina kilaq. Laüta, maiq thun ka ana ahea wan nguli riilaq. Ara i jam ara tuptup tiimali riichang.

Luke 24:29

Shatmaq, tsangnai raq, “Nainai raili jap wan laq. Rashe ka ümchaü acha she. Kiimaq ümchaü ka ranyaq she” nguta apaiq ka tiiwinto. Krai mren, apaiq ka tsangnai rai adam jap wan dam nguta dü wan damto.

Acts 11:14

Apaiq ka wa raüta, ümniima nai ümjamtitiim ma bom ka michongkuq. Kra apaiq bomtsi taitlan kra lü miitiq, ümkhum nai ümjamtitiim thun khum kra mitiichhii wan,’ nguta chong kuqto nguta naishiq ma chongto.

Acts 16:31

Kiijiishe, tsangnai raq, “Tati Jesuq ma kamlaq. Raüla ümkhum ka michhii kuq. Kiimaq ümjamti thun ka michhii kuq,” nguta apaiq bom ka treto.

Acts 16:33

Kra rawa akhing kiijiili she phaqtek kheti we raq tsangnai khum wa ami atsi thun kra hetse kuq raüta, phum tsiim kuqto. Kra rawa niili she ajamti thun wiita ma kham lamkuq wantlii she riito.

Acts 16:34

Kra raütiishe, apaiq raq Paul nai Silas ka tsangshiq jam na shea wanto. Raüta, phaq asea tiihong tha kuq raüta tiiphaq siqto. Kiimaq apaiq nai ajamtitiim kunli ka Shiikeawe miishe kamwan kha maq, kai khoqriiq shishiiq she chochi wanto.

Acts 18:8

Krispas ka kiijaq sinagok na maiqla weshi riito. Apaiq ka ajamti thun rai adam na Tati Jesuq ma kam wanto. Kiimaq Korin na siti maiq ahinti pahea raq tsütsa ka tai wanto. Raüta kam wanto. Kiimaq tsangshiq raq kham ka lamto.

Acts 8:12

Shatmaq, ümtiikiiwa Shiikeawe mungtan tsütsa ahea kra nai Jesuq Khristo tsütsa kra Philip raq tsangshiq ma chongkuq wantaq, krai mren, tsangshiq raq kra tsütsa kiima kamwanto. Krai mren, tsangshiq jechak maiqwe kamwantiiti thun wiita ma kham lamkuqto.

Acts 8:38

Krai mren, siihiip jong we raq apaiq leng ka shiikhingto. Raüta, Philip tsangnai ka khamchum mong na kiraüta, Philip raq apaiq ma kham ka lamkuqto.

Romans 16:23

Ngi sitiikang jamchongti Gaias, apaiq jam na noqkutlaqwe raq namshiq ma apaiq salam tiiwantlo; Erastas, chela tsiiqtum khetiwe kiimaq naphunowe Kuartas raq namshiq ma tsangnai salam tiitaitlo.

2 Corinthians 12:11

Ngi ka angok angi we ngo chang chang ikhli she bomnyiim raiho kang. Shatmaq, ngi ka namshiq riishe angi we ma tiija baiq holan ahata. Namshiq ka ngi thüda wanti nguta sitlan. Shatmaq, ngi ka jamlai tsinhon mangli riikang jiimin, nanok ahinti namshiq ma, “asiq areng kiimwebi” kra nam miika aran ka riimang.

2 Corinthians 5:14

Naishiq ka Khristo lungwiitsii wokhong na siti. Riita ümchaü sanha, naishiq raq maiqse angu tarü miitu, maiq weshi tsaito nguta sap wan kaishe. Krai mren, apaiq tsaitaq kra rai maiqse angu wiita, apaiq rai chiimshi na tsai wanto nguta sap tiikai.

Galatians 6:10

Ara chong tiikai arai mren, ümchaü sanha, nashiq raq ümtin wa akhing aten lap tiikai tek na, wiitarü ma, ahea kiimung kli she, apa shiichaq laita si rong i. Kiimaq, akhek ka nashiq ma, kamasham na naphu nano Phungmaiqse sitlaq kiima khrum kuq laita sirong i.

Ephesians 1:1

Ngi, Paul, Shiikeawe raq thapthi raüta Jesuq Khristo kiimwe ma ashong wan we raq-- Shiikeawe sengi Ephisia na siti ma, juwa Jesuq Khristo rai pumshi maq tsapkapkap sitibi ma waitiikang:

Philippians 1:7

Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

Philemon 1:17

Riita, ija ara chongtiikang arai mren, ümchaü sanha, ümniiraq ngi ka ümniirai reraüshi maq, Tati jaq sham damti we kongti nguta shreng tlaü krai mren, ngi ümjam na saü wa hajaq jamkho mitao haü, kiikha apaiq ka ümjam na ahea wiq maq tiijang tao wan nong laq.

Hebrews 13:2

Namshiq jam na wanwe dii tlaq kra shiililii ka naq laq rongkiq. Richü pat na, maiq wiijamti raq wanwe tao tiikai anguli, rasetiim taoratto. Tsangshiq riika, wanwe khla tao tiikai angu li, rasetiim tao wan ma jato.

1 Peter 5:12

Ngi raq ara atoqse maq namshiq ma waiq kang. Ara waiq na khrumketi ka Silas. Apaiq ka ngi ma kamasham na tsapkapkap Phungmaiqse phunowe. Ngi raq namshiq ma tsaiji doke wan rotiikang, kiimaq irilung hakhi ke rotiikang, arka riikhaqli Shiikeawe kaphap. Arjaq pharang rang chap ronglaq.

2 John 1:10

Riita chongtiikang arai mren, jurwa ara tengteng bomtsi ara namshiq ma chongkuq mak, arot chongkuq tlaq, akhiiti shrabi ka namshiq jam na naq tiidii rongkiq. Kiikhiiti miika “Hansang maq silaq,” nguta ramram bomtsi bomke min maimak.

3 John 1:5

Lungwii phuno we lei, ümniiraq Shiikeawe jaqsham ka pinthum tsapkap laüta sham tlaü nguta tai tiikang. Ümniiraq traho bom chongke wanhiq khumti saü tlaqti ma, mang riisap maü li jiimin, ümchuwa ümjam na saü wan tlaqti thun tarü ma, pinthum tsapsaü kapse maq tao laüta shiikum pan kuq tlaü nguta tai tiikang. Ara sham tlaü arka awongsii kamasham jaq sham tlaü.

3 John 1:8

Krai mren, nashiq tarü raq akha Shiikeawe jaqshamtibi ka khrum ke raa tlo. Akha khrum kuq tiikai arai mren, nashiq min tsangshiq rai kongshi maq, Shiikeawe raq akuq tengteng tsütsa rilung bomtsi kra chongketi ma jadam tiikai.

1 SAMUEL 28:23

Saul riika jam min phaqsiq mangli nguta tiiwinto. Shatmaq asengi siihiipjongbi riimin apaiq ma tü-adung ka phaqsiq liidea nguta apaiq ma tiipaiqneato. Atiisup niishe apaiq raq tsangshiq bom ka treto. Raüta apaiq ka hiq na abumki kriiwa tiidoto. Raüta changdü niishe ngato.