Luke 20:36 - ASII LAKDAP Bible (BSI) Tsangshiq ka rasetiim ikhli she, kiimaq atsai ngutiimin ahü she. Tsangshiq ka Shiikeawe setiim she. Ara jamkhano chongtiikang ngukla, tsangshiq ka ama wa adong wan kun she. Hawa Naga Bible 2001 Tsuingshiq kuex raungkamx bix ikhoc yaungx wvnc vtueq pattup vthueyc ngoz tueq vguez shex rvtuex, tsuingshiq kuex vthueyc wawc yuing kvtenc wvnc jix ningkhvnc nuex Tishox sahez rvtueq. Muklom Ning sha rangkamwa tang mal ang eq jin timoq angna. Ning sha Shkewa sa tang, chammatakoi ning sha utik wang weyjey ta. |
Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!
Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.
Tati Ningkun Ajong Pinthumwe raq chongtaq kra chongto: “Ngi raq akuqha tri raü thun kra tingting maq lang laüta, ngi raq ümniima jaqsham akuqha ka, khaqkhaq sham haü jiila, ümniika Shomjam mong na jaqsham arang hoti aki ashi mija haü. Kiimaq khokthun kra liiti ma mija haü. Kiimaq ngi rai siti rasetiim achu jaü tre tiikang kiikhiisii, ümnaq achu jaü kiimin mitre ha.
Ümtiikiiwa maiqse ka ama wiishe dong wan tlaq, tsangshiq ka ramungtan na siti rasetiim ikhiili she misi wan. Kiimaq arlam nai arwa ngutiimin ahü she.
Ara jamkhano chongtiikang ngukla, maiqse ka ama wa dong wan jai she ka, mungtan wa rasetiim ikhli she misi. Arlam nai arwa ngutiimin ahü she.
Shiikeawe Asii Wenyi ka, nashiq tsaiji rai pumshi hanshi tiipum raütiishe, nashiq arka Shiikeawe setiim she dea, nguta rairai riirii maq hakhi kuq tlo.
Ara chongtiikai akha miraq. Ümtiikiiwa maiq ka amaa wa atra she tiidong wan jiiq, kra akhing na maiq maa ka maakho na lap baiq kai akhing niika, ariim kai chang hiqda lapbaiq kitlo. Shatmaq ümtiikiiwa, amaa wiishe atra tiidong wan tlaq, kra tiidong wantlaq khum kriika, tsaiki mak phan khum she miraq.
Nashiq sham ka ara hiq da wa atiiq we sham kiikha, kra sam laita sitiikai. Krai mren sii hali, nashiq sham ka ramungtan wa aki we sham kiikha sam wan laitiishe misi wan rong i.
Apaiq raq, ümchaü nashiq khum jam ningkun ahü, arümkai chang arka, apaiq achhai anyii khum kiikha miklai kuq wan. Arka, apaiq raq phanrap awokhong na tiishang wan miitu, ningkun ho tlaq kra maq, miklai kuq wan.
Ümriitiwa ara apha lak, amaa wa tiidong wan tlaq lak na lomdam tlaq, kriiti ma kechu jonghea kiimaq achu shiiman jonghea miraq. Tsangshiq ka Shiikeawe sengi she. Tsangshiq ka thongnai tsai wan ngutlaq wamungtan wa raq khiim wan lot mak she miraq. Shatmaq, tsangshiq ka Shiikeawe nai Khristo ramwebi she. Kiimaq tsangshiq raq Jesuq rai rawii hingshi mung misiq dam.
Apaiq raq tsangshiq makphai ka wiita she mitat kuq. Kiijaq maiqse ma atsai ngutiika ahü she miraq. Ajü amii, aho anyi, kiimaq atsi asi ngutiimin ahü she miraq. Ra chü hiq chü ka wiita pan wanto she.”
Shatmaq, apaiq raq ngi ma chongto, “Ngi ka naq noqkiq. Ngi ka ümniinai, ümphu ümno shammibi kongti. Kiimaq ümchu riiwa ara lakdap na awaiq thü bomtsi ara lang tlaq, kriiti thun kongti. Shiikeawe kli shomnoq laq!”