Matthew 22:30 - ASII LAKDAP Bible (BSI)

³⁰ Ümtiikiiwa maiqse ka ama wiishe dong wan tlaq, tsangshiq ka ramungtan na siti rasetiim ikhiili she misi wan. Kiimaq arlam nai arwa ngutiimin ahü she.

Hawa Naga Bible 2001

³⁰ Yvmx khoc lac ngoz ruiux lec miqsaz yuing kvtenc wvnc tuex raungnuiyq kvkaq miqlvmc miq tvwaungc muinz vguez, tsuingshiq kuex raungkamx bix ikhoc dvyx shex yaungx wuez tuex.

Muklom

³⁰ Chammatakoi ujey sey ang jo, ning tharik thang moq sey angna etho tharik thang ma kot moq sey angna, etharin ning mungtan na rangkamwa tang mal sey angna.

Matthew 22:30 Referencias Cruzadas

Tvtsvmc 103:20

Tatiwe tiitsam ronglaq, namshiq ahong ala rasetiim raq, namshiq apaiq aming wokhong na siti raq, apaiq raq jamlai wa chongtlaq kra taitibi raq.

JEKERIA 3:7

Tati Ningkun Ajong Pinthumwe raq chongtaq kra chongto: “Ngi raq akuqha tri raü thun kra tingting maq lang laüta, ngi raq ümniima jaqsham akuqha ka, khaqkhaq sham haü jiila, ümniika Shomjam mong na jaqsham arang hoti aki ashi mija haü. Kiimaq khokthun kra liiti ma mija haü. Kiimaq ngi rai siti rasetiim achu jaü tre tiikang kiikhiisii, ümnaq achu jaü kiimin mitre ha.

Matthew 13:43

Kra akhing na Shiikeawe sengibi thun ka tsangshiq ma Awe Shiikeawe mungtan na rashe kaü ikha, achhai anyii watrang liishe mishong nga wan. Juwa ni asi, kriiti raq tiitsang tai rong laq!”

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 22:31

Kiimaq maiqse ka ama wa dong wan lam ka Shiikeawe raq namshiq ma jamlai wa chongtlaq kra jangshi min phat man sha riilan? Apaiq raq chongto,

Matthew 24:38

Rathup jüjang wan akhing misaü wan shaq na, mangjong maiqse ka che nyang dungsea chamtraq li polo siwanto. Khesea rüja chamtraq ümtum ümmai li siwanto. Nowaq ka lai na dü wan ranaiq akhing na saüli, mangjong maiqse ka peokhiq li siwanto.

Luke 17:27

Maiqse angu wiitarü ka, che nyang dungsea peo wali riito. Kiimaq jechak maiqwe ka arlam arwa tlungwii seali riito. Nowaq ka lai mong na dü wan jai, jülüm wan ranaiq na saüli, mangjong maiqse ka peo siqto. Raüta, mangjong maiqse ka tiimiqchup jiim wanto.

Revelation 19:10

Kiijiishe ngi ka ajichong na bumsaq, apaiq noqla nguta bumkang. Kra riikangta apaiq raq ngi ma chongto, “Ngi ka naq noqkiq! Ngi ka namshiq Phungmaiqse phong wa ümchu riiwa Jesuq wokhong na sitlan, kriiti thun tlotli kongti Jesuq jaqshi sii. Kra ningkhan, Shiikeawe kli shomnoq laq!” Jamkhano ngukla, Jesuq raq achongkuq tengteng bomtsi raq shammibi ma tsütsa chongke wan miitu ningkun kuq tlo.