Matthew 22:29 - ASII LAKDAP Bible (BSI)

²⁹ Kiijiishe, Jesuq raq tsangshiq bom ka treto, “Namshiq raq maiq ka ama wa dong wan mak she ngutlan ka ajiq, bintang kata! Namshiq raq Asii Bomtsi kiimin sap man. Kiimaq Shiikeawe ningkun kiimin sap man.

Hawa Naga Bible 2001

²⁹ Yesu rueq tsuingshiq muex, “Nuimshiq rueq Rumvrc luik muinz tuiuz muit, Tishox hungc vlaungc muinz tuiuz muit, kvkhoc ningkhvnc nuex lvmx phvnc tvyaq vshuinx.

Muklom

²⁹ Jesu aa ning ma thawel batta, “Nim aa khakla sam min chammatakoi nim aa Asang likwit nia Shkewa tarong sam min.

Matthew 22:29 Referencias Cruzadas

RAPHA HIQWA LAK 18:14

Tatiwe raq lot mang chang phan ka asi shea? Ngi ngutiikang ara phan han, ümchaü armaq jipi lütiikaü silata Ngi ka ana mijangkiha. Kiimaq Sara raq ase maiqwe se ashi mihum.”

Tvtsvmc 17:15

Shatmaq ngi riikla ümsham michhiha, jamkhano ngukla ngi raq ajiq klomang; kiimaq ümtiikiiwa ngi ka akon maq misamha, ümniirai mantut na peokhiq she misiha.

ISAIA 25:8

Ajong Thaq na Ajong Pinthum Tatiwe raq atsai ningkun ka pattup pat-sa miitu she mitiithen baiq! Apaiq raq maiq loweatek theaphi wa makphai satlaq kra tiisiirai mitatkuq. Kiimaq asenginok raq mangjong tlot li na jeasi khatamshi howantaq thun kra wiita alam she mirbaiq. Arka Tatiwe apaiq raq ngutlo!

ISAIA 26:19

Naishiqnok maiq ümchuwa tsaitaq thun ka thongshi atra misi wan nong! Tsangshiq maa thun ka atra mija wan nong. Ümchuwa maakho na kontlaq thun ka, asam mirwan raüta chochikhiq mishinge. Bangkham chhainyii raq hiqraikhü trap tlaq ikha, Tatiwe raq rathup na atsaikiti thun ka, atra mitiisam wan nong.

JEREMIA 32:17

“Tati Rakaü Hiqwe, ümniiraq ra nai hiq ka ümningkun jonghea kriimaq phansang laü. Kiimaq ningkun henghea maq tiiq laü. Ümniiraq lot maü chang ka jamlai phan min ahü.

Hosea 13:14

Tsangshiq ka wulum kho wa mikhot ha sha? khotki mang she! Atsai kharü mong wa mitiichhiikuq ha sha? Tiichhiikuq mang she! O, tsailam watu lei tsangshiq ka khiim phaq laq! Tsailam hiqbi kho lei, wulum mung kiina sheaholaq! Ngi raq tsangshiq ka mangchan mang she.

Matthew 22:28

Riita, tsangshiq siphu wemiishi raq tsang- nyi-chhi-nyung ka romto. Ikhiijiila maiqse ka ama wa dong wan tlaq akhing ranaiq na, arnyung arka ümriiti we tanyung miishe wa mija wan? Jamkhano ngukla, tsangtsam siphu tarü raq apaiq ka rom wanto.”

Mark 12:24

Kiijiishe, Jesuq raq tsangshiq bom ka treto, “Namshiq ka ajiq pinthum! Jamlai wa jiqtlan kriika sap tlan sha? Namshiq raq Asii lakdam na chongtlaq bomtsi nai Shiikeawe ningkun ka sapman.

Luke 1:37

Krai mren, Shiikeawe raq lot mak chang ngutiika, jamlai phan min ahü.”

John 20:9

Tsangshiq raq kra thun kra chhi wan jai min, Asii bomtsi na, apaiq ka amaa wa dong wan chang dongdii miraq nguta chong tlaq bomtsi kriika takmakli shatshat riito.

Acts 26:8

Riita, Jehudinok singmung maiqse lei, ümchaü namshiq arjaq thung tlanti raq, Shiikeawe raq maiqse ka amaa wa tiidong wan tlo dea nguta bomchong kiima kamwanlot man ka jamkhii riito?

Romans 15:4

Riita, ara chong tiikai arai mren, Tongshong Chü na ümchuwa waiq wantaq, kriika, nashiq ma sungkhu tsiilam tiichhike wan miitu waiqto. Arka, Asii bomtsi na waiq wantaq, anin wan bom chong tlaq kra nai tsaijido kewan, tsii chongkuq tlaq kra lümaq, nashiq raq rawiichii rilung miitu, ran tsantsii rüm tiikai kriika, milap rong i dongdii she nguta, mongngam maq siwan miitu waiq thüto.

1 Corinthians 15:34

Namtsan namtsii ka jaqlo, tru wan tlo rong laq. Lanta ngarai lam phan kriiwa jang wan tlo ronglaq. Ngi raq ara namshiq ma tiijea tiisi son tiipha ara tai rong laq. Namshiq phong wa maiq wiijamti raq ümchaü niitaq dongdii min Shiikeawe ka sap man mak shaqli sitlo.

Philippians 3:21

Apaiq raq, ümchaü nashiq khum jam ningkun ahü, arümkai chang arka, apaiq achhai anyii khum kiikha miklai kuq wan. Arka, apaiq raq phanrap awokhong na tiishang wan miitu, ningkun ho tlaq kra maq, miklai kuq wan.