Luke 11:54 - ASII LAKDAP Bible (BSI) Tsangshiq raq apaiq ka, tsangshiq thiikho na tiithap haijaq, kiimaq phanshi ra na kiq tiishut hai jaq nguta khettot siqto. Hawa Naga Bible 2001 Vnuix maq vdung kvjaz kvmaq mvrax tvgurc lvp laz juing ngoz tueq phvnx ruip saz wisoz wvnc tueq. Muklom Etho ning aa piq tha jashit raaq wang lot ma bita. |
Riita Israil mung hokhamwe raq kra lak ka phatto. Raüta apaiq raq adü na asam akhea kra chaiheahea, atsanbi riitaqli riito. Kiimaq, kiinyiikhiq akha nguto, “Siria mung hokhamwe raq ngi raq arwe thatsi ka jamkhii mitiiheakuq laq nguto tiima tla? Apaiq raq ngi ka atiichhunti nai miisaq tiithumti ningkun riimti Shiikeawe ngutiisha tiima tla? Arka tamlamlam maq ngi rai ta riitso ma nguta niqtlo ahata!”
Kra jai miishe, Phorisinok wiijamti ka nga raüta, Jesuq ka tsangshiq thiikho na tiithap haijaq nguta bom riichongto.
Shatmaq Jesuq raq tsangshiq tsan na anyaq sitlaq kra asap. Kriikha miishe apaiq raq tsangshiq bom ka akha treto, “Mongnam nok! Namtsam raq ngi ka namshiq thiikho na jaram tiidea wa tan tlan?
Kiimaq tsangshiq phong wa weshi, Thungtri shrinketi we raq Jesuq ka athiikho na tiithap hajaq nguta manto.
Phorisinok raq nai Herod sengibi raq, tsangshiq phong wa, maiq wiijamti ka, Jesuq phana tiikito. Kriika tsangshiq thiikho na, Jesuq ka tiithap haijaq nguta tiikito.
Kiijaq ngati phong wa, maiq wiijamti raq, Jesuq ka tiishut haijaq nguta lamlu liishat ritto. Krai mren, tsangshiq raq Asii Niitiitsak ranaiq na, Jesuq raq kra atsiti we kra mitiihea kuq sha, tiihea kuq mak wa riijiiq nguta, khekham maq liito.
Jesuq ka kiiwa tiido wan jai she, Thungtri shrinketibi nai Phorisinok raq apaiq ka achaq awaq maq longliiqto. Kiimaq phanrap khuthaq na seng raüta, tsangshiq raq apaiq ma bom ka sidi waisoto.
Kriikha miishe, tsangshiq raq apaiq tiishut miitu akhing ahea liishat miili she kheto. Krai mren, tsangshiq raq maiq ma tsiiqlap kuq raüta, asi asinti maiq ka Jesuq phana tiikito. Kra siwe jatibi ka maiqshaq ikha tiiman raüta, Jesuq phana bom waikai tiikito. Kriika tsangshiq bom thiikho tsan tlaq kiijaq, Jesuq ka tiithap ma nguta tiikito. Raüta, Jesuq ka Jehudinok welabi raq Roman Wanghupti we jaq na lapke ma nguta hangto. Raüta khahü na, tiitsea baiq miitu hangto.
Kriijaq tsangshiq raq nokwe makki na, Jesuq ka jamlai nyan niimin tiishut lot mak she riito. Kriikha maq, tsangshiq ka kaiqshak li she ngakito. Kiimaq, apaiq raq tsangshiq bom ka tiingathu she tretaq kra chhi raüta, awang rai li she riito.
Shatmaq, siihiipjong we lei, ümniiraq tsangshiq bom ka naq taikiq. Jamkhano ngukla, Paul tsea baiq ma nguta, lam na rehuk hai raüta atiipaü maiq ka weroqblai pat raq kheshat miraq. Tsangshiq raq Paul ka tsatmai wiiwii, khamsang kokshi min nyang mai nguta japhak maq riihan raüta tiitumto. Riita ümchaü tsangshiq ka Paul tseabaiq ma nguta khekham miishe khe tlo. Kiimaq ümniiraq apaiq tiikai kra kheli she sitlo,” nguta norii we raq siihiipjong we ma tsütsa ka tiitaito.