JEREMIA 7:12 - ASII LAKDAP Bible (BSI) Shilo na kilanta liiki rongkiqta. Kriika ngi raq imang ka shomnoq wan miitu apha shaqshaq atsea wanha hiqshong. Shatmaq isengi Israilnok raq ngarai pahea klowan kha na, ngi raq kra chela ka jamkho riikang kra liiki rongkiq. Hawa Naga Bible 2001 Ngaz muex nawk palx juing baung muex vphaungc shauk shauk ngaz rueq vthvl taq Shilo ghaq nuex kaz kuiuz, kvruex baung kvyuq ngvy miqsaz Israel htenc rueq yaq wvnc tueq mvrax ningkhvnc nuex mkhoc lac rvgay tauk nguinx kuex lawc shuinz. |
kriishe nguraüla, Ngi raq isengi Israilnok ka Ngi raq tsangshiq ma akuq wanha mungtan kriiwa akoq she mirbaiq wanha. Kiimaq Ngi raq ara Shomjam ara, Ngi shomnoq wan chang hiqba nguta phumram kham maq atiibok wanha asii jam arka amiimshe mirbaiqha. Mangjong maiqse barap binriiti raq Israilnok ka thophi riiqphi saisikhiq she mishum miiwan.
Namshiq raq ibomchong ka tlea wanruqli la riihanla, Ngi raq Shilo chela wa asii jam ka jamkho tiithen baiqkang, kiikha, ara Shomjam armin atiithen mirbaiqha. Kiimaq maiq mung thun raq ara chela mang ka chong raüta manson shiiton miishe mitiija.”
Arningkhan she, ngi raq Shilo chela ka jamkho tiijabaiq kang, kiikhiisii hali, namshiq kamsiqtlan i Shomjam kaü ara ngi raq atiithen she mirbaiqha. Ara Shomjam arka ngi raq namtitiim ma akuq wanha kiimaq namshiq miimin kuq wankang. Ngi raq jamkho Shilo chela wa tiithen baiq kang kiikhiisii hali armin mitiithen baiqha.
Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.
Namshiq maiqphan ümchuwa sitlan kra hiqshong thun liipan wa, Tatiwe raq hiqshong bashi atsea miraq. Kra hiq na namshiq tarü kilanta apaiq man na chap lanta apaiq ka shomnoq chang.
Israilnok raq Kanan mung ka kunlishe khatto. Raüta hiqshong thun ka jiiwanto. Raüta tsangshiq ka wiimungtam kunli Shilo chela na thungto. Raüta Tatiwe sichang tombutiip ka haito.
Raüta Joshua raq, tsangshiq miitu langlii raüta Tatiwe ma waito. Raüta Israilnok maiqphan abung tiichongtlaq kriiti ma, tsangshiq rii hiqshong thun ka chumkuqto.
Mika raq ahai phra sumla ka Shiikeawe shomnoq chang Tombutiip Shilo chela na sitlaq kiijaq siruqli thüto.
Rawiitek Elkana ka Rama chela maq Shilo chela na Tatiwe Ajong Pinthum Shiikeawe shomnoqkai nai honglu kekai kilili riitlo. Kiijaq Eli se nai Hophni nai Phinehas ka Tatiwe ramwe jaqshamti.
“Shiikeawe khushü ka Israil mung wa lam wanto she,” nguta apaiq raq nguto. “Jamkhano ngukla Shiikeawe Tongshong Tek ka re raq lap wanto.”