Kiijaq siti Jehudi phan wanghuptiwe raq, tsangshiq wa ramwe weshi dong raüta, asii phaqsea kra lomdam miitu, Urim nai Thamin maq lang lii raüta lang raq thaü hümaq, Shiikeawe ma honglu na akuq kra phaqsea mai mak nguta wanghuptiwe raq tri thüto.
DUNGWVNC 28:30 - ASII LAKDAP Bible (BSI) Laüta Urim nai Thummin ka khuk na samchang kheaphu kiijaq thülaq. Raüta ümtiikiiwa Aron ka iman na chap watlaq kra wiinai kiimin nong nong maq wachang miraq. Akha akhing na wranaiqshe apaiq raq khuk na samchang kheaphu ka samshat riichang. Raüta Ngi raq Israilnok miitu jamlai wa tiimatiikang kra apaiq raq riikhaqli mithapthilot. Hawa Naga Bible 2001 Arun kuex ngvy vsawc khaungkac nuex nyuip waung ruiux yuq, Urim nuiyc Thummim lvmz wvnc vtueq nyuip waungc tvkoc, piq khuiuq puingc kvyuq Urim nuiyc Thummim kuex htawc tvy shec rax. Israel miqsaz rueq ngvy thuinroc lvmx yvmx khoc lac httax yaq nguinx kuex tuiuz lot tvkoc, Arun kuex ngvy khaungkac nuex nyuip tuex ruip rawx khuiuq puingc vruex svmc rax. |
Kiijaq siti Jehudi phan wanghuptiwe raq, tsangshiq wa ramwe weshi dong raüta, asii phaqsea kra lomdam miitu, Urim nai Thamin maq lang lii raüta lang raq thaü hümaq, Shiikeawe ma honglu na akuq kra phaqsea mai mak nguta wanghuptiwe raq tri thüto.
Riita Jehudinok phan wanghuptiwe raq tsangshiq ma ramwe weshi raq Shiikeawe tiima tsantsii sap wan chang Urim nai Thummin (Piq maq) maq langlii hümiika, tsangshiq raq Shiikeawe ma honglu na akuq asii thaq niimin asii tü-adung ka phaqsea wan dam maimak nguta aming kuqto.
“Riita ümtiikiiwa Aron ka Asii Khok mong na nyap watlaq, apaiq raq ara khuk na samchang kheaphu na Israilnok maiq phan thun mang waiqje kra sam raüta minyap wa. Raüla, Ngi, Tatiwe raq isenginok ka itsan na wranaiqshe tiitsangshat mirha.
Raütiishe apaiq raq khuk na samchang miirii kriishe akhuk na tiisam kuqto. Raüta apaiq raq langlii chang Urim nai Thummin ngutlaq kra among na thüto.
Apaiq riitiq Tatiwe Shomjam jong kra mitiihea hai. Raüta apaiq ka hokhamwe ngachang ngacho thaq na ngaraüta asengi mipeng wan. Apaiq rung kiijaq ramwe kra minga dam. Raüta tsangnai raq jaqkhon shi maq mungmaiqse ka hansang apeowiq she mipeng wan.’
Apaiq ka ramwe Eleajar dü na tiinin raüta misi. Eleajar riika Ngi raq jamlai wa rotiikang kra Urim nai Thummin maq lang lii raüta misap. Akha Eleaja raq Joshua ka tsii michongkuq. Kiimaq Israilnok mungmaiqse tlotli ka phanrap lam phan na mishun shea wan.”
Ngi raq, i jaq na ümchuwa sitlaq tsiiq anyam maq dunghiq wan lata, kiimaq i khum ara kuq lata, namshiq ka tiichhan chhi wan miitu mishoq wanlot ha nguta sitiikang. Riita, ngi raq namshiq atinkhan mangchan tiikang arkha na, namshiq raq ngi ma lungwii tsantsii thü wan ka atiitsap she sha mirwan han?
Ngi raq ara ngutiikang arka, ju tiijiq wan bom min riimak. Ngi raq kongkhu lak na, jamkho chong pha, namshiq ka ngi raq pinthum tlungwii tiikang. Kriikha maq, nashiq ka atra sihai jiimin, amaa sihai jiimin, adam li sitiikai.
Apaiq raq Lewi phan miitu akha nguto: “Tatiwe lei, ümnaq tiima tsantsii ka Urim nai Thummin maq tiichhikuqlaq, ümjaqshisetiim Lewinok raq tsapkapkap jaq shamtlaq kra lümaq. Ümniiraq tsangshiq ka Massa hiq ma maitailaü Kiimaq tsangshiq ka Meriba khamraisetiim maq Kiimaq tsangshiq ka riikhaqli dea nguta maitailaü.
Riita, ara chongtlaq arai mren, apaiq ka mangjong maiqse ikha, tiijai han-ngam na shamshi ngamshi pokai chang dongdii she raa kito. Apaiq maiqse han-ngam na akha pokitaq arka, apaiq ka tsangshiq miitu, tsapsaü kapse mangchan tsantsii jonghea maq, tsangshiq thaq na Ramwe Ajong Pinthum we ma jawan miitu pokito. Raüta apaiq ramwe jaqsham lümaq, Shiikeawe tsankhiq ka tiishi wanto. Krai mren, Shiikeawe raq tsangshiq ngarai kra diikuqto.
Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.
Khristo ka ara chongtiikai jolitiip mong na pattup pat-sa siwan tlii miitu she honglu kewa nguta nyapwato. Raüta apaiq ka Asii Thaq Na Asii Khok mong niishe nyap wato. Kra nyap wantaq akhing honglu kewan chang chhechhi tiijai nai minsaü pongsetiim tiijai ka sham wan mak dea. Nyamse tiijai rii na, apaiq maiqmii tiijai kra sham raüta, ramungtan jolitiip mong kiijaq nyap wanto. Raütiishe, apaiq raq nashiq ka, kharü mong wa klang maq lakshi wa niili panthit, pattup pat-sa miitu dokdaa kuqto. Raüta, pattup thumki mak phan rilung tsitsü she kuqto.
Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.
Joshua tsaikai jai maq Israilnok raq Tatiwe ma waito, “Naishiq maiqphan phong arwa, ümriiti phan riiwa Kanannok mung ka kongkhu mikhat pha wan?”
Israilnok ka noqku jam na Bethel chela na kito raüta tsangshiq raq Shiikeawe ma akha waito, “Ümriiti phan riiwa atiipha na lamshea raüta Benjaminnok ka mikhatki?” Tatiwe raq treto, “Juda phan raq.”
Kra ningkhan apaiq raq jamkho mija i nya nguta Tatiwe ma waito. Shatmaq Tatiwe raq apaiq ma, rawa ma miimin tiichhikuq mak, kiimaq Urim nai Thummin maq lang liikiimin, langkuq makshe riito.