DUNGWVNC 28:30 - Hawa Naga Bible 2001

³⁰ Arun kuex ngvy vsawc khaungkac nuex nyuip waung ruiux yuq, Urim nuiyc Thummim lvmz wvnc vtueq nyuip waungc tvkoc, piq khuiuq puingc kvyuq Urim nuiyc Thummim kuex htawc tvy shec rax. Israel miqsaz rueq ngvy thuinroc lvmx yvmx khoc lac httax yaq nguinx kuex tuiuz lot tvkoc, Arun kuex ngvy khaungkac nuex nyuip tuex ruip rawx khuiuq puingc vruex svmc rax.

ASII LAKDAP Bible (BSI)

³⁰ Laüta Urim nai Thummin ka khuk na samchang kheaphu kiijaq thülaq. Raüta ümtiikiiwa Aron ka iman na chap watlaq kra wiinai kiimin nong nong maq wachang miraq. Akha akhing na wranaiqshe apaiq raq khuk na samchang kheaphu ka samshat riichang. Raüta Ngi raq Israilnok miitu jamlai wa tiimatiikang kra apaiq raq riikhaqli mithapthilot.

DUNGWVNC 28:30 Referencias Cruzadas

EJRA 2:63

Urim nuiyc Thummim shuimc thenc jix shomc waz vshiz max dung kaz shauk nuex Tishox muex vshomc kuq phuiuz vsvy kuex tsuingshiq rueq phuiuz svy mvy muq ngoz tueq, Yuda mungx walaungx rueq tsuingshiq muex tvwanc tueq.

NEHEMIA 7:65

Yuda mungx walaungx waz rueq tsuingshiq muex ngoc, nuimshiq rueq Urim nuiyc Thummim kuex shuimx vtueq htvp htaz thenc lot jix shomc waz washiz max dung wawwawx Tishox muex shomc kuy juing phuiuz vsvy kuex phuiuz svy mvy muq.

DUNGWVNC 28:29

“Arun kuex Vsawc Baung nuex nyuip ruiux yuq, khuiuq puingc kuex svmc rax, khuiuq puingc nuex Israel miqsaz phvnx muingc htenc lomx yaq ningkhvnc nuex, Ngaz, Yehowa rueq ngvy miq htenc kuex mkaq muinz rvwvl lvp shaungx.

LEWI 8:8

Piq rueq khuiuq puingc juing kvmuinz puingc kuq ruiux Urim nuiyc Thummim kuex htawc taq tueq.

JEKERIA 6:13

Piq kuex kvruex guirc jix waz muex yaungx vtueq hokhvmx muex tvtsanc nganc rvhumc ruiux, piq miqsaz htenc kuex guimz lawc shuex. Shomc waz vshiz muinz piq hoc nuex jvp tuex, tsuingnueyc rueq yauk shuimc kuex vdvmz nuex raz tueq shuimc ningkhvnc nuex nomic nuiyc vrungx vraz maq httax tuex.’

WEAWEA 27:21

Piq kuex ngvy thuinroc lvmx Urim nuiyc Thummim muex wiz yaq shomc waz Eleazar muex kvmluimx tvluimc rax. Ekvkhoc maq Eleazar rueq Yoshua nuiyc Israel mungx miqsaz wvtaungx muex tsuingshiq rueq shuimc juing htenc lotlaz kuex jungphvnx tvkhic kuy rax tuex,” ngoz tueq jungx tueq.

2 Corinthians 12:15

Ngaz rueq nuimshiq muex romc kuy tvkoc kokez thuinz maq miqmac tsak vnyvmx htenc nuiyc hungc vlaungc kuex tvhtumx vshaungx, ngaz rueq nuimshiq kuex vtanc khvnc lungwawx ruiux yuq, nuimshiq rueq kvruex htauk nuex tvyomx vtueq haz lungwawx vphuinx?

2 Corinthians 7:3

Vkhoc jungx vphaungx lvmx kuex nuimshiq muex mvrax tvgurc roc vtueq rvmuq; kungkhux nuex jungx kuq phaungx rulc rv-ngvlc nuiyshiq kuex nuimshiq rulc thueyc ruiux muinz, phenx ruiux muinz rv-phvlc kaz miq maq nuimshiq kuex lungwawx vphix lvmz rvtueq.

TRI CHONGKE 33:8

Vpiq rueq Lewi phvnx nuex seng vtueq vkhoc jungx tueq: “Yehowa lex, mnoz rueq Urim nuiyc Thummim shuimx vtueq mnoz rueq vroc lvmx tvkhic kuq shuiuz; Mnoz muex tvmtuing httax yaq mnvrc waz hez Lewi phvnx maq raz tueq, Mnoz rueq Masa maq tsuingshiq kuex taruiyx lawc toq, Meriba yuix kawx maq tsuingshiq muex hakhix vlvmz kuex tvkhic toq.

Hebrews 2:17

Kvkhoc rvtueq vpiq rueq miqsaz mvrax htenc dawc kuy rawc nuex, menjenc thuinz nuiyc tvmtuing mvrc yaq Shomc Wayungx ikhoc maq, Tishox yauk shuimc shuimc kuy tvkoc phvnx ruip saz nuex vphuz vnox tamx rvhumc yaq lvmz htenc kuex tsuingshiq rulc vdvmz rvhumc wvnc tueq.

Hebrews 4:15

Naungshiq Shomc Wayungx kuex naungshiq hungc vlaungc nulx jix muex menjenc kuq muq waz rvmuq. Naungshiq vkhoc lvmx ruip saz laulawc rvhumc wvnc tueq, yuq muinz mvrax vguez Shomc Wayungx naungshiq rueq lvp wvnc tiq.

Hebrews 9:12

Christu kuex Vsawc Pinhtumc Baung tap nuex laukshiz lvmz maq dvyx nyuip wvnc tueq nuex, shomc nawk kuy juing shomc kuy muex khelkhix nuiyc mansuiux tvguiy shuimx vtueq nyuip muq, vpiq tvguiy maq nyuip wvnc vtueq naungshiq tvkoc pattup palc daungc wvnc lvmx kuex lvp wvnc tueq.

Hebrews 9:24

Yvmx khoc lac ngoz ruiux lec Christu kuex vsuing vsawc baung muik shauk rulc rv-ngvlc yaq miqsaz yauk maq vtvhungx Vsawc Baung nuex nyuip muq maq, raungmungx nuex nyuip vtueq majuiuc naungshiq laung nuex Tishox khaungkac nuex httax yaq.

PHOWEBI 1:1

Yoshua thueyc kaz tueq yix maq, Israel miqsaz rueq Yehowa muex ngoc, “Nuiyshiq phvnx htenc wawc mruex jix rueq lac Kanaan miqsaz htenc kuex vphaungc khvt kaz tix?” ngoz tueq wiz tueq.

PHOWEBI 20:18

Israel miqsaz kuex Bethel ghaq wawc nawk palx juing baung kvyuq duiz woz vtueq, “Benjamin miqsaz kuex mruex jix phvnx rueq vphaungc khvt juing lac?” ngoz tueq Tishox muex wiz tueq. Yehowa rueq, “Yuda phvnx rueq,” ngoz tueq tvralc kuq tueq.

1 SAMUEL 28:6

piq rueq yvmx khoc ruez juing lac Yehowa muex wiz tueq. Yuq muinz Yehowa rueq piq muex maung maq muinz, Urim nuiyc Thummim maq muinz, shvmmax bix maq muinz yvmx muinz tvralc jungx kuq muq.