Acts 5:2 - ASII LAKDAP Bible (BSI)

Shatmaq, tsang-nyung rai riichong raüta, Ananias raq kra kampho wa wiijam ka apaiq rii pong na thüho raüta, khokoli kiimwebi jaq na kuqto.

Hawa Naga Bible 2001

Yuq muinz Anania rueq ghaq rez kuimphox wvyvmc kuex vtaungx nyuiuz rulc rungx raz vtueq, miqmac tvkoc tvjungx gay ruiux wvyvmc dvyx kamx waz hez muex kuq kaz tueq.

Muklom

Etharin, uhimteynu jamoq raaq kara eq amaan dan ngin tha ning ni aa shingta etho udak ngin tha som eq apostle tang ma kot ta.

Acts 5:2 Referencias Cruzadas

MALAKI 1:14

Jurwa anyamse kong wa, ahea awa nyamse ashi honglu na mikuq ha nguta, ngi ma kiqkham keje she taü maq, ara arot akiq laopha hupsam wa laplu raüta, kuq tlaq, kriiti miika, imanson homa klishe misi! Jamkhano ngukla, ngi ka ajong pinthum hokhamwe. Kiimaq ra raq aham mangjong maiqse kunli raq ngi ma haisong tsantsii rümtlo.”

Matthew 23:5

Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.

John 12:6

Apaiq raq ara bom chongtaq arka, apaiq tsan mong na miitsan miijan maiqsetiim ma mangchan tiitsi raütiika riimak. Shatmaq, apaiq ka ahuk we kha maq bomto. Apaiq ka tsangshiq kampho khiiq kra hoti we. Akhing khing na apaiq raq kra taro kampho khiiq kiiwa khot raü raüta shaphaqtlo.

Acts 2:44

Kamasham maiqsetiim thun wiitarü ka phungtu na riitushat maq sito. Kiimaq, tsangshiq jaq na jamlai phan wa sitlaq, kra tsangshiq maiqmii liipan na riiphea riinyin raüta sito.

Acts 4:37

Apaiq riimin, ahiq phu bashi shato. Raüta, kra hiq sha kampho ka kiimwebi jaq na kiinong kuqto.

Acts 5:1

Shatmaq, kiijaq maiq weshi asi riito. Apaiq mang ka Ananias. Apaiq raq tsang-nyung Saphira rai kiqshi maq ri raüta, tsangnai hupsam phanshi ra ka asha riito.

Acts 5:3

Kiijiishe, Petar raq apaiq ma waito, “Ananias, ümniiraq namnai tachong hupsam hiqphu sha lanta, kra sha kampho wa khoko ka ümniirii thüho raü, khokoli kuq laüta, Asii Wenyi ma wiita kuqkang nguta arot chong miitu, ümtsantsii ka Thawe thongkhiiq na jaram wa rongki laü?

Acts 5:8

Petar raq apaiq ma hali wainongto, “Ngi ma chong liita, namnai sinyungwe raq, namnai hupsam sha kampho ka achuli dea sha laplan?” “Üm, kiichuli dea,” nguta Petar bom ka apaiq raq treto.

Philippians 2:3

Ümchaü sanha, maiqmii mang jong tiima lanta, jamlai phan min naq kiimung rongkiq she. Kiimaq maiqmii kiidea ajong ala nguta tiima lanta, jamlai phan min naq sham rongkiq she. Shatmaq, maiqmii ka aranse ma ja lanta, nanok ka maiqmii ma maiqla lin, asap atsin lin nguta, tiima lanta si ronglaq.

1 Timothy 6:10

Ara jamkhano chongtiikang ngukla, tsiiq nai nyam ma sükha tsii raq, maiqse ka phanrap abi lam phan nü na shea ho tlo. Phungmaiqse wa maiq wiijamti ka, tsiiq anyam ma sühea kha maq, kampho apapa lap hai jaq nguta, tsiiq anyam ritlai anguli she, Shiikeawe lamphan wa, lamjiq nü niishe kiho wito. Raüta, rokngoq riingoq chamchao chapa riihum raüta, tiishudaq tlo.