Acts 4:7 - ASII LAKDAP Bible (BSI) Tsangshiq raq Jesuq kiimwe nai ka tsangshiq rungphung na tiichap raüta, “Namnai raq ara akü we ara jamkho tiihea kuq lan? Namnai raq ara ningkun ka jambawo lap lan? Ju ningkun mo ara tiihea kuq lan ara?” nguta tsangnai ma bom ka waito. Hawa Naga Bible 2001 Tsuingshiq rueq kamx wanueyc kuex tsuingshiq htumc nuex tvjvp vtueq, “Nuimnueyc rueq yvmx luimc vkawc, rvmuq ngoz ruiux ukhaq muingc maq lac vruex shuimx kaz vshuinx?” ngoz tueq wiz tueq. Muklom Ning aa Peter nia John tha ning jakho o thalang eq pitta, “Nimni aa iri jaksom ri chamlang tarong wang etho utang miing wang somlo shin tin?” |
Kriiwe raq treto, “Naishiq thaq na ümniika tuwe ma nai phowe ma juro shongta? Ümniiraq Ejip mungtiwe tsatbaiq laü kiikha ngi armin tsea baiq shea dantlaü?” Kiijiishe Mosheq ka ahai riito. Kiimaq apaiq nai apaiq she tiingoto, “Ngi raq jamlai wa klo kang kra maiq riishe sapto.”
Jesuq ka Shomjam na jangwa nongto. Raüta apaiq ka nokmaiqse ma trahoke rea riito. Kra akhing na ramwe jongbi nai welabi ka apaiq phana waraüta, “Ümniiraq arthun ara sham miitu arang ka ju jaqwo laplaü? Ümniima juro kuqta?” nguta apaiq ma bom ka waito.
Raüta apaiq ma bom ka akha waito, “Ümniiraq arthun ara klo miitu, arang ka jamwo lap laü? Ümniima arang ka juro kuqta?”
Kiijiishe, Jehudinok welabi raq, “Riita, ümniika arthun thungtri ara runbaiq miitu arang hoti we dea nguta, naishiq ma jamlai phan awang chang jaqsham wa mitiichhi kuq lot haü?” nguta apaiq ma waito.
Kra akhing na, Phorisinok nai Thungtri shrinketibi raq maiqnyung ashi, tsangwe sishat maq maiq rai sethoq ja chhi raüta alap riiwanto. Tsangshiq raq kra nyung ka mungmaiqse khaki na tiichapto.
Kra tai raütiishe, tsangshiq phong wa nyungwe jong pinthumti we kriimaq pha raüta, tsangshiq ka weshi shi miishe wiita kiiwa pintrang wanto. Atiisup niishe, Jesuq nai jechaknyung kli she tiichong kito. Jechaknyung kiimin tsangshiq raq jamkho baiqthütaq kiikha chaptshat li riito.
Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.
Tsangshiq ka Ramwe Ajong Pinthum We Annas rai riihumto. Kiimaq Ramwe Ajong Pinthum we jamti welabi, Kaiaphas, Johan Alekjendar kiimaq tsangta wa maiq welabi ahinti sitlaq kriiti thun rai min riihumto.
Kiijiishe, Asii Wenyi raq Petar khum ka kunli ama romto. Krai mren, apaiq raq tsangshiq bom ka akha treto, “Munglangti mungtubi nai shiilangbi lei,
Tsangshiq raq kiimwebi ka kinphai wa Rung khok na tiiheaki nongto. Raüta, chunpo-nyam chongwai maq petanok ma ninta tiitsatto. Raüta, tsangshiq ma aming atsin maq hali, Jesuq arang maq trahoke maimak nguta aming kuq nongto. Raütiishe, tsangshiq raq kiimwebi ka phaqtek mong wa tiidong baiqto.