Mattheu 28:5 - Sesotho 1909/1961 (SO)

Lengeloi la bua, la re ho basadi: Haele lona, le se ke la tshoha, hobane ke a tseba hoba le batla Jesu, ya kileng a thakgiswa.

BIBELE

Lengeloi la re ho basadi: “Lona le se ke la tshoha; ke a tseba hore le batla Jesu ya thakgisitsweng.

Baasraak Sotho NT

Lengeloi la araba, la re ho basadi bao: Le se ke la tshaba, hobane ke a tseba hore le batla Jesu ya neng a thakgisitswe.

Contemporary Southern Sotho Bible 2024

Lengeloi la araba, la re ho basadi bao: Le se ke la tshaba, hobane ke a tseba hore le batla Jesu ya neng a thakgisitswe.

Mattheu 28:5 Referencias Cruzadas

Isaia 35:4

Ereng ho ba dipelo di tshohileng: Betang pelo, le se ke la tshaba! Bonang, Modimo wa lona o tla ka phetetso, e leng ho putsa ha Modimo; o tla tla, o le boloke.

Isaia 41:10

o se ke wa tshaba, hobane ke na le wena; o se ke wa tshoha, hobane ke Modimo wa hao; ke tla o fa matla, ke o thuse, ke o tiise ka letsoho la ka le letona la ho loka ha ka!

Isaia 41:14

O se ke wa tshaba, wena sebokonyana, Jakobo, mosalanyana wa Iseraele; ke nna ke o thusang, ho bolela Jehova; Mohalaledi wa Iseraele ke Molopolli wa hao.

Daniele 10:12

A re ho nna: Se tshabe, Daniele; hobane esale ka letsatsi la pele leo o pheheletseng pelong ya hao ho utlwisisa, le ho ikokobetsa pela Modimo wa hao, dipolelo tsa hao di hlile tsa utluwa, mme ke tlile ka baka la dipolelo tsa hao.

Daniele 10:19

a re: Se tshabe, monna ya ratwang! Kgotso e be ho wena! Tiya pelo, tiya matla! A re a sa bua le nna, ka utlwa hobane ke filwe matla, ka re: Morena ka a ke a bue, etswe o mphile matla.

Mattheu 14:27

Empa Jesu a phakisa a bua le bona, a re: Betang dipelo, ke nna, se tshabeng.

Mattheu 28:10

Jwale, Jesu a re ho bona: Se tshoheng; eyang, le bolelle banabeso hore ba ye Galelea; ke moo ba tla mpona teng.

Mattheu 28:4

Balebedi ba thothomela ke ho le tshoha, ba eba jwaloka bafu.

Mareka 16:6

Eo a mpa a re ho bona: Le se ke la tshoha. Le batla Jesu wa Nasaretha ya thakgisitsweng; o tsohile, ha a yo mona. Bonang, moo ba neng ba mmeile teng ke mona.

Luka 1:30

Lengeloi la re ho yena: Maria, se tshohe, hobane o bone mohau ho Modimo.

Luka 24:5

Eitse basadi ha ba sa tshohile, ba kobotetse fatshe, ba re ho bona: Ya phelang na le mmatlelang hara bafu?

Diketso 2:24

Modimo o mo tsositse, wa mo lokolla ditlamong tsa lefu, kahobane ho ne ho se kamoo a ka tiiswang kateng, ke lona ruri.

BaHebheru 1:14

Na kaofela ha wona hase meya e sebeletsang, e rongwang ho sebeletsa ba tlang ho rua lefa la poloko na?