Jems 1:5 - Label

Ning tik o mulo i kapan sur a mananos, i wakak ning ir nunung e God suri. Pa e God ir tabari onoi, anasa i sira tamtabar dala rop, pa bel i sira san alar ta utna. Pa bel i sira balakut tetek tik ning i nunungi.

Jems 1:5 Referencias Cruzadas

Matiu 11:20

Pa e Iesu i warwara na balakut tetek a tarai ting na hananuala ning ka tol tar anuna galis a utna na kulkulan kol tingia, anasa bel la lingir a nuknukinla.

A Wakak a Warwara o e Iesu Karisito i tumusi 16:14

Lamur i hanot pas tetek ning a bonot pa pisir takai a kakak a asaerla kaning la hangan. Pa i warwara rakrakai onla, anasa bel la tortorot, pa a balanla i rakrakai, pa bel la tortorot onla ning la ka oroi tari ning ka laun ulak.

Jon 14:13

Pa ututnala rop ning mulo nunungi ana risak, ar tolsot pasi, sur e Natnalik ir saran a matatar o e Tamana.

Jon 15:7

Ning mulo patap hok, pa anuka warwara ir laun o mulo, mulor nunung sur ta utna mulo mang suri, pa dir sarani ot ta mulo.

Jon 4:10

Ika e Iesu i kelesi mange, “Ning u tasman a artabar ane God, pa u tasman otleng esaning i nunung u sur al malum, ur nunungi, pa ir tabar u ana malum a lalaun.”

2 Korin 2:16

Dala arlar ana toboh minat tetek la ning la han sur a hinirua, pa toboh lalaun tetek la ning lar laun tikin. Esi ir tolsot pas a titol ne?

Jems 1:17

Na wakak a artabar rop, ning la tostos, la han purum misaot na langit. La hanot ta e Tata, esaning i akes a kamis, a kalang pa a nangnangla. Ika e Tata bel i arkeles pa bel i ries a magirana lar a kamis, ning i sasai ana kabakiar pa morom bel.

Jems 3:17

Ika esining i tong akes a mananos misaot na langit, a ningnigo na utna anuna lalaun ir totoh. Pa ir tena bal molmol otleng, pa ir sira nuk pas a tarai masik, pa ir sira longor, ir bukus ana marmaris, pa ir suah a wakak a wana ting na nuna lalaun, bel ir purpurngis, pa bel ta asasongo ting na nuna lalaun.

Jems 5:16

Mulor warwara puasa artalai tetek mulo ana numulo na toltol laulaula, pa mulor nunung sur mulo artalai, sur a Leklek ir alangolango pas mulo. A nunung anuna tena tostos i rakrakai kol, pa i wai otnan a wana.

1 Jon 3:22

Pa ututnala rop ning dala nunungi tana, i sarani tan dala, anasa dala longor ana nuna na warkuraila, pa dala tol a utna ning i gas onoi.