Jems 3:17 - Label

¹⁷ Ika esining i tong akes a mananos misaot na langit, a ningnigo na utna anuna lalaun ir totoh. Pa ir tena bal molmol otleng, pa ir sira nuk pas a tarai masik, pa ir sira longor, ir bukus ana marmaris, pa ir suah a wakak a wana ting na nuna lalaun, bel ir purpurngis, pa bel ta asasongo ting na nuna lalaun.

Jems 3:17 Referencias Cruzadas

Matiu 23:28

Larka otleng ning, a tarai la oroi a palaomulo mang, mulo na tena tostos, ika tingui o mulo i bukus ana asasongo, pa a toltol laulaula.

Matiu 5:8

La ning a nuknukinla i totoh, la angis, anasa lar oroi e God.

Matiu 5:9

La ning la sira amolmol a tarai, la angis, anasa e God ir atong la na natnatna.

Luk 21:15

Anasa iau ot, ar anuknuk tar a warwara pa tastasmai otleng ting na nuknukimulo, pa anumulo a hiruala rop bel lar keles sot pasi, pa bel lar puain seni.

Luk 6:36

Mulor asangan a marmaris, arlar ana Tamamulo a tena marmaris.

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Jon 1:47

Ning e Iesu i oroi pas e Natanael i hanot teteki, i atongi ono mange, “A te Israel momol, bel i tasman a asasongo.”

Aposel 9:36

Ning a hane tagun a tarai a asasaer i kes tumo e Jopa, a risana e Tabita, ana warwara Grik mang e Dokas. A hane ne, ka tol tar a galis a wakak a titol, pa a tena artabar tetek a kapan na taraila.

A Pas ane Pol tetek a tarai Rom 12:18

Ning mulo tolsot, mulor rakrakai sur mulor kes na bal molmol taum ana taraila rop.

A Pas ane Pol tetek a tarai Rom 12:9

Ir wakak ning anumulo a marmaris tetek a tarai ir momol. Mulor nget a laulauna, pa mulor tong akes a wakakna.

A Pas ane Pol tetek a tarai Rom 15:14

Na tastasikla, a tasmani ot mang mulo bukus ana wakak a toltol pa a tastasim, pa mulo tolsot pasi sur mulor asaer artalai mulo.

1 Korin 12:8

A Talngan Tabu i tabar takai ana tastasim sur ir warwara onoi, pa a Talngan Tabu ning, i tabar takai otleng ana wakak a nuknuk sur ir warwara onoi.

2 Korin 10:1

Iau, e Pol, ning dingla na tarai la atongi hok mang, a sira anatarna pas iau ning a tai taum o mulo, ika ning a kes masik anuka warwara tetek mulo i rakrakai kol. A nunung mulo sur mulor longor iau, anasa e Karisito i anatarna pasi, pa i titol ana wowon na magirana tetek a taraila.

2 Korin 6:6

Mila tol a totoh a toltol, pa mila titol ana tastasmai. Bel mila sira ngoro tetek a taraila, mila tol ka a wakak a toltol tetek la. Mila titol ana harnangai anuna Talngan Tabu, pa mila titol ana marmaris momol.

2 Korin 7:11

Oroi, a bal maris ne ta e God i tol otnan a galis a wakak a utna o mulo: A tnan nuknuk kaning o mulo sur mulor langolango kusun a toltol laulau. Pa mulo mang sur mulor atostos pas a risamulo kusun a artitiu. Mulo balakut tetek esaning i tol a toltol laulau, pa mulo matmataut. Mulo mang kol sur dalar armoro taum ulak, mulo rakrakai, pa mulo mang sur mulor atostos a utna ning bel i tostos. Anumulo a toltol i asangani mang mulo tostos ana utna ne.

2 Korin 9:10

E God esaning i tabar a taraila ana utna ning lar omani pa a utna otleng ning lar eni, ir tabar mulo otleng ana ututnala sur mulor tol a wakak a titol onoi. Pa lamur mulor sol a galis a utna miting na numulo a tostos a toltol.

Epeses 5:9

Anasa a wana lalaun anun esining i kes ana talapor i manglarne: a wakak a toltolla, a tostos a toltolla, pa momolna.

Pilipai 1:11

Pa a nunung otleng mang, mulor bukus ana wana tostos a toltol, ning e Iesu Karisito i tol otnan tari ting na numulo a lalaun, sur a taraila lar atong aitna pas e God pa lar alekleki.

Pilipai 4:8

Na tastasik, a ararop a warwara ne a tumusi tetek mulo: A nuknukimulo ir kes ana ututnala ne: asaning i momol, asaning di hanrawai i, asaning i tostos, asaning i totoh, asaning i tatatai wakak pa asaning a taraila la atong wakak ono. Asa ning i wakak kol, pa asaning di rakan aleklek pasi, a nuknukimulo ir kes onoi.

Kolosi 1:10

Mia nunung larne sur anumulo a lalaun ir arlar ana toltol anuna Leklek, pa mulor sira tol asaning ir gas onoi. Larning anumulo a lalaun ir suah a waimulo ana wakak a titol rop ning mulor toli, pa mulor gomo ana numulo a tastasman o e God.

1 Tesalonika 2:7

I tostos ning mitol ar nunung mulo sur ta arlou, anasa mitol natola aposel ane Karisito. Ika bel mitol toli larning. Mitol asangan a molmol a ginimitol na arpotor ta mulo, arlar ana hane ning i tai alar na natnatnala.

1 Timoti 5:21

A warwara rakrakai tetek u namatana e God pa e Karisito Iesu pa angelola ning e God ka aslang pas la, sur ur mur a asasaerla ne, pa gong u rakrakai ka sur ning a ris pa ning a ris bel, pa gong u mang ka sur ning a ris pa ning a ris bel.

2 Timoti 2:24

A tena titol anuna Leklek gong i arlak, ir wakak a tena asaer. Ir tol a wakakna tetek a tarai rop, pa ir asangan anuna molmol a toltol tetek a tarai ning i atostos la.

Taitus 1:15

A ututnala rop la totoh tetek la ning la totoh, ika tetek la ning bel la totoh pa bel la tortorot, a ututnala rop bel la totoh. A nuknukinla i laulau kol pa bel ta tostos ting na nuknukinla.

Taitus 3:2

Gong la anan tik, lar kes ana bal molmol, lar tol a wakak a toltol tetek a tarai, pa lar anatarna la tetek a tarai rop.

Hibru 12:11

Ana taem ning e God i sira atostos dala, bel dala gas onoi, dala sira kilang ka a kankan. Ika lamur la ning e God i atostos la pa la longor ana nuna asasaerla, lar sol a molmol pa a tostos a toltol ting na nunla lalaun.

Hibru 12:14

Mulor rakrakai sur mulor kes na molmol taum ana taraila rop, pa mulor mur a totoh a toltol. Ning a lalaun ana tik bel i totoh, bel ir oroi a Leklek.

Jems 1:17

Na wakak a artabar rop, ning la tostos, la han purum misaot na langit. La hanot ta e Tata, esaning i akes a kamis, a kalang pa a nangnangla. Ika e Tata bel i arkeles pa bel i ries a magirana lar a kamis, ning i sasai ana kabakiar pa morom bel.

Jems 1:5

Ning tik o mulo i kapan sur a mananos, i wakak ning ir nunung e God suri. Pa e God ir tabari onoi, anasa i sira tamtabar dala rop, pa bel i sira san alar ta utna. Pa bel i sira balakut tetek tik ning i nunungi.

Jems 2:13

Anasa esining bel i lasan ana marmaris, ana pukakiar a warkurai e God otleng bel ir marisi. Ika esining ir lasan ana marmaris, e God ir marisi ana pukakiar a warkurai.

Jems 2:4

Ning mulo toli larne, mulo purpurngis, pa mulo hanot a tena warkuraila ka ana laulau a nuknukimulo.

Jems 3:15

A mananos ning, bel misaot na langit, a mananos ka mite lapiu. I hanot ka ta e Satan, pa bel tana Talngan Tabu.

Jems 4:8

Mulor han milau e God, pa e God ir han milau mulo. Mulo na tena tol a toltol laulau, mulor gos na kumulo, pa mulo ning naur nuknukimulo, mulor atotoh na balamulo.

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.

1 Pita 2:1

I maining mulor kepsen a toltol laulaula rop, a warwara asasongo pa lalaun a asasongo, ram sur a utna ana tik masik pa urmatana warwara laulau.

1 Pita 2:18

Mulo na tena titol oros, mulor sira anatarna pas mulo tetek anumulo na ningnigo taum ana hanrawai. Bel mulor anatarna pas mulo ka tetek la ning la wakak pa la sira maris mulo, mulor anatarna pas mulo otleng tetek la ning i rakrakai na magiranla tetek mulo.

1 Jon 3:18

Na natnatukla, gong dala maris tik ana warwara ka, pa ana pahandala ka. Dalar maris tik ana wakak a titol momol.

1 Jon 3:3

Esining i harnanai ana tortorot sur e Karisito ir ulak, i atotohi larning e Karisito i totoh.