Sant Lucas 19:29 - Bibl Koad 21: Ar Bibl e Brezhoneg evit ar Vretoned O vezañ tostaet ouzh Betfage hag ouzh Betania, tost d’ar menez anvet Menez an Olived, e kasas daou eus e ziskibien, Testamant Nevez 1897 (Jenkins) Hag, o veza erruet tost da Vethfaje ha da Vethani, e‐kichen ar menez hanvet menez Olived, e kassaz daou euz he ziskibien, en eur lavaret: |
E dreid en em zalc’ho, en deiz-se, war Venez an Olived, a zo dirak Jeruzalem, er sav-heol. Ha Menez an Olived a faouto dre e greiz, eus ar sav-heol d’ar c’huzh-heol, hag e vo un draonienn vras-meurbet. Un hanter eus ar menez a yelo war-zu an hanternoz, hag an hanter all war-zu ar c’hreisteiz.
Hag, o vezañ o lezet, ez eas kuit eus kêr evit mont da Vetania, e-lec’h ma tremenas an noz.
o lavarout: It d’ar vourc’h a zo dirazoc’h ha, pa viot aet enni, e kavot un azenig stag ha n’eus bet c’hoazh den war e gein. Distagit anezhañ hag en degasit.
Ha pa oa dija o tostaat d’an diskenn eus Menez an Olived, an holl vandenn diskibien, karget a levenez, en em lakaas da veuliñ Doue a vouezh uhel evit an holl virakloù o doa gwelet.
E-pad an deiz e kelenne en templ, hag en noz ez ae hag en em zalc’he war ar menez galvet Menez an Olived.
Goude bezañ aet er-maez, e yeas hervez e c’hiz da Venez an Olived. E ziskibien a heulias anezhañ.
Degas a reas anezho er-maez betek Betania hag, o vezañ savet e zaouarn, e vennigas anezho.
Neuze e tistrojont da Jeruzalem, eus ar Menez a c’halver an Olived, a zo pell diouzh Jeruzalem war-dro hed ur pennad-hent sabad.