Jozue 21:5 - Bibl Koad 21: Ar Bibl e Brezhoneg evit ar Vretoned Mibien all Kehad o doe dre ar sord dek kêr diwar diegezhioù meuriad Efraim, diwar veuriad Dan ha diwar hanter-veuriad Manase. |
Da vibien Kehad a vane eus tiegezh ar meuriad-mañ, e voe roet dre ar sord dek kêr eus an hanter-veuriad, eus hanter Vanase.
Diouzh Kehad e tiskenn tiegezh an Amramited, tiegezh ar Jizeharited, tiegezh an Hebronited ha tiegezh an Uzielited; ar re-se eo tiegezh ar C'heatited.
Ar sord a zegouezhas da diegezhioù ar Gehatited. Ha mibien Aaron an aberzhour, a-douez al Levited, o doe dre ar sord trizek kêr, diwar veuriad Juda, diwar veuriad Simeon ha diwar veuriad Benjamin.
Mibien Gershon o doe dre ar sord trizek kêr diwar diegezhioù meuriad Isakar, diwar veuriad Aser, diwar veuriad Neftali ha diwar hanter-veuriad Manase e Basan.