Adlezenn 4:14 - Bibl Koad 21: Ar Bibl e Brezhoneg evit ar Vretoned En amzer-se an AOTROU a c'hourc'hemennas din kelenn deoc'h reolennoù ha barnedigezhioù, evit ma reot diouto e-kreiz ar vro ma'z eot e-barzh d'he ferc'hennañ. |
Mirout a reot an holl c'hourc'hemennoù a gemennan deoc'h hiziv, evit ma en em greñvaiot ha ma'z eot da berc'hennañ ar vro emaoc'h o vont da berc'hennañ,
Hag e roas da glevout e emglev, a c'hourc'hemennas deoc'h da virout: an dek gourc'hemenn. Hag e skrivas anezho war ziv daolenn vaen.
Taolit evezh gant pled ouzh hoc'h eneoù, peogwir n'hoc'h eus gwelet skeudenn ebet e deiz ma komzas an AOTROU ouzhoc'h en Horeb a-greiz an tan,
Ne lakaiot netra ouzhpenn er c'homzoù a gemennan deoc'h ha ne lammot netra diouto, met mirout a reot gourc'hemennoù an AOTROU ho Toue a gemennan deoc'h.