Adlezenn 3:25 - Bibl Koad 21: Ar Bibl e Brezhoneg evit ar Vretoned Me az ped, ma tremenin ha ma welin ar vro vat-se a zo en tu all d'ar Jordan, ar menez mat-se hag al Liban. |
Diskennet on evit o zennañ eus dorn an Ejipsianed hag evit o lakaat da vont eus ar vro-se etrezek ur vro vat ha ledan, ur vro a zever gant laezh ha mel, e-lec'h m'emañ o chom ar Gananeiz, an Hitited, an Amoreaned, ar Ferezianed, an Hevianed hag ar Jebuziz.
en deiz-se em eus savet va dorn dirazo, evit tennañ anezho eus bro Ejipt etrezek ur vro am boa klasket evito, ur vro a zever gant laezh ha mel, ar gaerañ eus an holl vroioù,
Hag e lavarjont: Mar hon eus kavet trugarez dirak da zaoulagad, ra vo ar vro-mañ roet en dalc'h da'z servijerien, na zegas ket ac'hanomp en tu all d'ar Jordan.
Met an AOTROU a fuloras a-enep din en abeg deoc'h, ne selaouas ket ouzhin. An AOTROU a lavaras din: A-walc'h eo! Na gomz ken ouzhin eus an afer-se!