Adlezenn 3:26 - Bibl Koad 21: Ar Bibl e Brezhoneg evit ar Vretoned

²⁶ Met an AOTROU a fuloras a-enep din en abeg deoc'h, ne selaouas ket ouzhin. An AOTROU a lavaras din: A-walc'h eo! Na gomz ken ouzhin eus an afer-se!

Adlezenn 3:26 Referencias Cruzadas

1 Danevelloù 17:4

Kae ha lavar da Zavid va servijer: Evel-henn e komz an AOTROU: N'eo ket te a savo un ti din evit chom ennañ.

Mazhev 20:22

Jezuz a respontas: N’ouzoc’h ket ar pezh a c’houlennit. Ha gallout e c’hellit evañ an hanaf a dlean evañ ha bezañ badezet eus ar vadeziant ma tlean bezañ badezet ganti? Int a lavaras dezhañ: Ni a c’hell.

Mazhev 26:39

O vont un tamm a-raokoc’h, en em daolas war e c’henoù d’an douar hag e pedas o lavarout: Va Zad, ma pellaio an hanaf-se diouzhin mar gell-se bezañ! Koulskoude, n’eo ket evel ma fell din, met evel ma fell dit.

2 Korintiz 12:8

Teir gwech em eus pedet an Aotrou d’e bellaat diouzhin,

Adlezenn 1:37

An AOTROU a fuloras a-enep din ivez en abeg deoc'h, ha lavaret en deus: Te kennebeut ned i ket enni.

Adlezenn 31:2

Lavarout a reas dezho: Oadet on hiziv a gant ugent vloaz, ne c'hellin ken mont na dont, hag an AOTROU en deus lavaret din: Ne dremeni ket ar Jordan-se.

Adlezenn 34:4

An AOTROU a lavaras: Setu ar vro am eus touet reiñ da Abraham, da Izaak, da Jakob, o lavarout: He reiñ a rin da'z lignez. Diskouezet em eus anezhi da'z taoulagad, met ned i ket enni.