Adlezenn 19:5 - Bibl Koad 21: Ar Bibl e Brezhoneg evit ar Vretoned evel pa'z a unan bennak gant e nesañ d'ar forest evit troc'hañ koad, ma lusk e zorn gant ar vouc'hal evit troc'hañ ur wezenn, hag e tistag an houarn diouzh an troad hag e tizh e nesañ, en doare ma varv. An den-se a dec'ho da unan eus ar c'hêrioù-se evit saveteiñ e vuhez, |
An den poellek a ziaraog an droug hag en em guzh, met an hini eeun a dremen e-biou hag a vez kastizet.
Pep hini anezho a vo evel ur gwasked ouzh an avel hag ur vod ouzh ar glav, evel gwazhioù-dour en ul lec'h sec'h, evel skeud ur roc'h vras war un douar kras.
Ar vodadenn a zieubo ar muntrer eus dorn ar veñjer-gwad hag a lakaio anezhañ da zistreiñ er gêr-repuiñ e oa tec'het enni, hag e chomo eno betek marv an aberzhour-meur bet olevet gant an eoul santel.
Setu penaos e ri e-keñver ar muntrer a dec'ho eno evit saveteiñ e vuhez p'en devo lazhet e nesañ diratozh, hep kasoni outañ diagent,
gant aon na zeufe ar veñjer-gwad da redek war-lerc'h ar muntrer e-pad ma vez fuloret e galon, ma tapfe anezhañ ma vefe re hir an hent, ha na lazfe anezhañ petra bennak na vefe ket da varn d'ar marv, dre ma n'en doa bet kasoni ebet outañ diagent.