2 Samuel 24:6 - Bibl Koad 21: Ar Bibl e Brezhoneg evit ar Vretoned Hag e teujont e Galaad hag er vro izeloc'h eget Hodshi. Goude e teujont da Zan-Jaan hag en-dro da Sidon. |
Tec'hout a reas eta kuit, eñ ha kement a oa dezhañ. Sevel a reas hag e tremenas ar stêr, hag ez eas war-zu Menez Galaad.
Mibien Ruben ha mibien Gad o doa un niver dreistkont a dropelloù, hag e weljont e oa bro Jaezer ha bro C'halaad ul lec'h dereat evit al loened.
Mibien Makir mab Manase a yeas da C'halaad hag a gemeras anezhi; kas a rejont kuit an Amoreaned a oa o chom enni.
An AOTROU a lakaas anezho etre daouarn Israel, a bilas anezho hag a redas war o lerc'h betek Sidon ar Vras ha betek Misrefod-Maim, ha betek traonienn Vizpa war-zu ar sav-heol; o filet o deus en doare na lezjont den da dec'hout kuit.
Hag en em astenne harzoù mibien Dan pelloc'h. Mibien Dan a bignas hag a vrezelas ouzh Leshem, hag e kemerjont anezhi, hag e skojont warni gant troc'h ar c'hleze, hag e perc'hennjont anezhi, hag e voent o chom enni, hag e c'halvjont Leshem Dan, diwar anv Dan o zad.
Aser ne gasas ket kuit annezidi Akko, nag annezidi Sidon, nag eus Ahlab, nag eus Akzib, nag eus Helba, nag eus Afik, nag eus Reob,