Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”
Nthi 30:5 - ÎVUKU RÎA ÛVORO MWARO Maûndû monthe marîa Ngai aragia nî ma ma; ke nî ngo kûrî andû arîa mathiîcaga kûrî ke nîguo amagitîre. |
Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”
Ciîko cia Ngai ûyû nî nginyanîru, nacio ciîranîro ciake nî cia kwîvokeka! Nîke ngo ya arîa onthe macaragia ûtethio wake.
Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.
Nî mûrata wakwa wa kwîvokeka na mûgitîri wakwa, nîangitagîra na akamvonokia, nîke ngo yakwa na nîîthithaga varî ke, nîavootaga mavûrûri na akamaiga rungu rwakwa.
Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.
Ngai ûyû njîra ciake nî nginyanîru, Ciîranîro cia Ngai-Mûnene nî cia ma! Ke nî ngo kûrî arîa onthe macaragia ûgitîri kûrî ke.
Mawatho ma Ngai-Mûnene nî ma ma, na arîa mamavingagia methagîrwa marî akenu. Maathani ma Ngai-Mûnene nî matheru, na nî mathomithagia mûndû.
Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.
Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.
nîakaamwîra atîrî, “We Ngai-Mûnene mbûragîra kûrî we na nîwe ûngitagîra; Ngai wakwa ûrîa nîîvokaga.”
Ngai-Mûnene nîagaagîra andû arîa athingu mûthithû wa ûûgî; nîagitagîra arîa marî mîthiîre mîkinyanîru.
Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.
Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.