Nthi 29:25 - ÎVUKU RÎA ÛVORO MWARO

²⁵ Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Nthi 29:25 Referencias Cruzadas

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 20:2

Arî kûu nîwaugire atî mûka Sara aarî mwarwang'ina. Kwoguo Abimeleki mûthamaki wa Gerari nîwaugire avirîrwe Sara.

Kîam 26:7

Rîrîa arûme a kûu maamûririe maûndû megiî mûka, Isaka nîwamerire atîrî, “Ûyû nî mwarwaiya.” Aameerire ûguo nîûndû nîwetigagîra kûmeera atî nî mûka wake nîûndû andû a kûu nîmangîamûragire nîguo moce Rebeka, nîûndû wa ûrîa aarî mûthaka.

1Atha 19:3

Elija nîwamakire na akîûra akîthiî Beerisheba, îtûûra rîa Juda nîguo athare mwoyo wake. Kûu nîkuo Elija aatigire ndungata yake,

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

Thaburi 118:8

Nîkava kwîthitha kûrî Ngai-Mûnene gûkîra kwiga mwîvoko kûrî mûndû.

Thaburi 119:117

Ndirîrîra, nîguo mbîthîrwe nîrî mûgitîre, na ngaathîkagîra maathani maku vîndî cionthe.

Thaburi 125:1

Arîa mevokete Ngai-Mûnene mekariî ta Kîrîma gîa Zayuni, kîrîa gîtanginainua, nwatî gîtûûraga tene na tene.

Thaburi 69:29

Nwatî nie nîrî na ruuo na nîrî mûthiru vinya, ngitîra we Ngai, na ûmvonokie!

Thaburi 91:1

Mûndû ûrîa wîthithaga kûrî Ngai-Mûnene, ûrîa ûtûûraga rungu rwa kîruru Kîam Ngai mwene vinya wonthe,

Thaburi 91:14

Ngai augîte atîrî, “Nîngaavonokia mûndû wa wonthe ûmendete; nîngaagitîra mûndû ûrîa ûmbicî.

Nthi 16:20

Mûndû ûrîa ûrûmagîrîra ûrîa athomithîtue nîathatûkagwa, kûrathimwa nî mûndû ûrîa wîvokete Ngai-Mûnene.

Nthi 18:10

Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.

Nthi 28:25

Mûndû mwîyendi nîatûmaga kûgîe na ngucanio, nwatî ûrîa wîvokete Ngai-Mûnene nîarathimagwa.

Nthi 30:5

Maûndû monthe marîa Ngai aragia nî ma ma; ke nî ngo kûrî andû arîa mathiîcaga kûrî ke nîguo amagitîre.

Mûvunjia 7:18

Nî waro mûno kûûrîra mwena wa wonthe wa mîena îo yoîrî. Mûndû ûtîîte Ngai nî akaavootana.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Danieli 6:23

Nake mûthamaki nîwakenire mûno, na akîathana atî Danieli aguucue arutwe îrimarî rîa mînyambû. Nake nîwarutirwe kuo atarî mûtivie wanarî vandû, nîûndû nîwevokete Ngai wake.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 15:12

Nao arutwa a Jesû nîmaacokire makîthiî kûrî ke na makîmwîra atîrî, “Nîwîcî atî Afarisai nîmarakarirue nî ûndû ûrîa ugire?”

Luka 12:4

“Arata akwa nîramwîra atîrî: mûtigetigîre andû arîa maûragaga mwîrî na marîkia gwîka ûguo, matirî na ûndû wîngî mangîvota gwîka.

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Johana 9:22

Aciari ake maaugire ûguo nîûndû nîmeetigagîra Ayahudi. Ayahudi nîmaarîkîtie gwîtîkanîria atî mûndû ûrîa ûgeetîkia atî Jesû nîke Mesaya nîakeengatwa kuuma îvoerorî.

Gûco 1:17

Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

Atir 16:11

Nake Samusoni nîwerire Delila atîrî, “Mangînthaîkania na mîkanda îno îtaanavûthîrwa rîngî, nîngîthîrwa ndarî na vinya wata andû acio engî.”

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 21:13

Kwoguo rîrîa rîonthe Daudi angîethagîrwa marî na andû acio, nîwetuucaga kîûgû na agekaga maûndû ta mûndû wa ngoma. Rîrîa mangîageririe kûmûvingîrîria, ke nîwandîkangaga mîrangorî ya îtûûra na agetagîrîria mata nderurî ciake.

1Sam 27:1

Daudi nîweîrire na ngoro atîrî, “Mûthenya ûmwe Saûlo nîakambûraga. Kwoguo ûndû ûrîa mwaro makîria nîngîka nî kûra nthiî vûrûrirî wa Afilisiti. Vîndî îo Saûlo nîagaatiga kûnjaria kûu vûrûrirî wonthe wa Isiraeli, na ngethîrwa nîrî mûgitîre kuuma kûrî ke.”

1Sam 27:11

Daudi nîwaûragaga arûme na aka onthe nîguo mûndû wanarî ûmwe ndakathiî Gathu auga ûrîa Daudi na andû ake meekîte. Ûguo nîguo Daudi eekaga vîndî îrîa yonthe aatûûrire Filisiti.