Nthi 23:10 - ÎVUKU RÎA ÛVORO MWARO Ndûkagendagendie mûkûmbû kuuma varîa ûtûûraga, kana woce mûgûnda wa ciana cia ndigwa. |
Marutaga ciana cia ndigwa nyondorî cia ng'ina, na magoca ciana cia ngîa nginya rîrîa makaarîvwa thirî.
Ngai-Mûnene nîomomoraga mîciî ya andû arîa etîi, nwatî nîagitagîra indo cia aka a ndigwa.
Nie Ngai-Mûnene nîramwatha mwîkage maûndû ma kîvooto na ma ûthingu. Mûvonokie andû onthe arîa macunîtwe indo ciao kuuma kûrî arîa mamavinyagîrîria. Mûtigeke ûndû mûcûku kana mûnyamaria ageni, ciana irîa itarî methe, mûndûmûka wa ndigwa kana mûrage mûndû ûtarî na wîvia vandû ava.
“Rûngariani mîthiîre yenyu na ciîko cienyu na mwîkage maûndû ma kîvooto, kûrî mûndû na mûndû ûrîa wîngî.
Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.
Mûtikaavinyîrîrie aka a ndigwa, ciana cia ndigwa, ageni arîa matûûraga kwenyu, na andû arîa athîni. Mûndû wana ûrîkû ndakavange ûndû mûcûku ûngîcûkia mûndû ûrîa wîngî.
Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.
“Mûtikagendagendie mîvaka ya arîa mûriganîtie nao, îrîa yekîrirwe tene vûrûrirî ûrîa Ngai-Mûnene Ngai wenyu akûmûva mwîgwatîre.
“ ‘Kûnyitwa nî kîrumi nî mûndû ûrîa ûgendagendagia mûkûmbû wa mûndû ûrîa mariganîtie nake.’ “Nao andû onthe nîmakaauga, ‘Ameni!’
Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.