Nthi 15:25 - ÎVUKU RÎA ÛVORO MWARO

²⁵ Ngai-Mûnene nîomomoraga mîciî ya andû arîa etîi, nwatî nîagitagîra indo cia aka a ndigwa.

Nthi 15:25 Referencias Cruzadas

Ayubu 24:21

“Nîmavinyagîrîria aka arîa nthata, na matiîkaga aka a ndigwa maûndû maro.

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 138:6

Wana ethîrwa we Ngai-Mûnene ûrî îgûrû mûno, nîûmenyagîrîra andû arîa menyivagia. Nwatî arîa etîi nîûmamenyaga ûrî wa kûraca.

Thaburi 146:9

Ngai-Mûnene nîagitagîra ageni, nîatethagia aka a ndigwa na ciana cia ngoriai; nwatî nîacûkangagia andû arîa aganu.

Thaburi 52:1

We njamba îno ya mûndû, wîtîîaga nîûndû wa wîvia waku nîkî? Ntha cia Ngai nî cia tene na tene.

Thaburi 52:5

Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

Nthi 12:7

Andû arîa aganu nîmacûkangagua makathira, nwatî mûciî wa arîa athingu nîwîvandaga.

Nthi 14:11

Mûciî wa mûndû mwaganu nîûkomomorwa, nwatî mûciî wa mûndû mwagîrîru nîûgîcaga vinya.

Nthi 15:26

Ngai-Mûnene nîathûrîte meciria ma andû arîa aganu, nwatî nîakenagua nî ciugo cia andû arîa atheru.

Nthi 23:10

Ndûkagendagendie mûkûmbû kuuma varîa ûtûûraga, kana woce mûgûnda wa ciana cia ndigwa.

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Gûco 19:14

“Mûtikagendagendie mîvaka ya arîa mûriganîtie nao, îrîa yekîrirwe tene vûrûrirî ûrîa Ngai-Mûnene Ngai wenyu akûmûva mwîgwatîre.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”