Nthi 17:8 - ÎVUKU RÎA ÛVORO MWARO

Mûndû ûrîa ûvakanaga eciragia îvaki rîrutaga wîra ta ngûnga, etîkîtie atî nwa rîtûme maûndû monthe marîa ekaga mavue.

Nthi 17:8 Referencias Cruzadas

Kîam 32:14

Nîwathuurire mvarika magana maîrî na nthenge mîrongo îîrî, mîatî magana maîrî, na ndûrûme mîrongo îîrî,

Kîam 32:21

Kwoguo Jakovu nîwatûmanire kîveo kîu kîthiî mbere yake, na ûtukû ûcio ke mwene nîwaraarire kûrîa aambîte îgema.

Kîam 43:11

Nake îthe nîwamerire atîrî, “Ethîrwa nwanginya mwîke ûguo, nîmwoca indo imwe cia irîa mbaro cia vûrûri ûyû mwîkîre nguniarî cienyu na mûvirîre mûndû ûcio irî kîveo. Nacio nî mînyamû mînungi waro, maguta ma kwîvaka, ûûkî mûnini, matunda ma mûthemba wa ngandamia, na maguta kuuma kûrî mûtî wa mare.

Thaburi 18:16

Ngai-Mûnene nî watambûrûkirie njara yake kuuma îgûrû na akîmboca; nîwandutire îriarî îriku.

Thaburi 19:6

Riumagîrîra mûthiiarî ûmwe wa îgûrû na rîkavîtûkania nginya mûthiia ûcio wîngî. Gûtirî kîndû kîngîîthitha kuuma kûrî ûrugarî wa riûa.

Thaburi 21:13

Ûrokumua, we Ngai-Mûnene, nîûndû wa vinya waku mûnene! Tûkaaina na tûkumie ûvoti waku.

Thaburi 29:4

Mûgambo wa Ngai-Mûnene ûrî vinya, mûgambo wa Ngai-Mûnene wîcûrîtwe nî riiri.

Ntha 23:8

Ndûkamûkîre îvaki, nîûndû îvaki nîrîvingaga acirithania metho na makarega kwona kîvooto na rîgacûkia ciira wa arîa matevîtie.

Nthi 17:23

Mûndû mwaganu ocaga îvaki na nthitho, nîguo ndakarûmîrîre kîvooto.

Nthi 18:16

Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

Nthi 21:14

Marakara mathiragua na kîveo kîvecanîtwe na njîra ya nthitho, na îvaki rîvecanîtwe na njîra ya nthitho nîrîthiragia marakara.

Mûvunjia 7:7

Kûvinyanîrîria gûtûmaga mûndû mûûgî atuîka kîrimû, kûvakana gûtûmaga meciria macûke.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

1Sam 25:35

Daudi nîwamûkîre kîveo kîrîa Abigaeli aamûvirîrîte na akîmwîra atîrî, “Coka gwaku mûciî na thayû na ndûkamake. Nîngeka ûguo wambûria.”