Nthi 17:23 - ÎVUKU RÎA ÛVORO MWARO

²³ Mûndû mwaganu ocaga îvaki na nthitho, nîguo ndakarûmîrîre kîvooto.

Nthi 17:23 Referencias Cruzadas

Ntha 23:8

Ndûkamûkîre îvaki, nîûndû îvaki nîrîvingaga acirithania metho na makarega kwona kîvooto na rîgacûkia ciira wa arîa matevîtie.

Nthi 17:8

Mûndû ûrîa ûvakanaga eciragia îvaki rîrutaga wîra ta ngûnga, etîkîtie atî nwa rîtûme maûndû monthe marîa ekaga mavue.

Nthi 18:16

Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

Nthi 21:14

Marakara mathiragua na kîveo kîvecanîtwe na njîra ya nthitho, na îvaki rîvecanîtwe na njîra ya nthitho nîrîthiragia marakara.

Mûvunjia 7:7

Kûvinyanîrîria gûtûmaga mûndû mûûgî atuîka kîrimû, kûvakana gûtûmaga meciria macûke.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 5:23

Arîa mavakagwa nîguo marekererie arîa marî na mavîtia, na makaima arîa athingu kîvooto Kîamo.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mika 3:9

Tanthikîrîriani mue atongoria a nyomba ya Jakovu; thikîrîriani mue anene a nyomba ya Isiraeli, mue mûmenete kîvooto, mue mûgarûraga ûûma mûgaûtua maveeni.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”

1Sam 8:3

Nwatî anake acio a Samueli matiarûmîrîra maûndû marîa îthe eekaga; maacaragia ûtonga tu; kwoguo nîmeetagia mavaki na matiatucaga ciira na kîvooto.