Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”
Nthi 16:7 - ÎVUKU RÎA ÛVORO MWARO Ngai-Mûnene angîkenua nî mîthiîre ya mûndû, nîatûmaga wana nthû cia mûndû ûcio ituîke arata. |
Esaû nîwamenire Jakovu nîûndû wa kûrathimwa nî îthe. Esaû nîweîrire atîrî, “Îvinda rîa gûcakaya nîûndû wa vava rîrî vakuvî. Vîndî îo nîrîo ngaaûraga mûrwaiya Jakovu.”
Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”
Ngai-Mûnene nîwatûmire mavûrûri monthe marîa maathiûrûrûkîrîtie Juda metigîre kûrûa na mûthamaki Jehoshafati.
Kwoguo ûthamaki wa Jehoshafati nîwekarire ûrî na thayû, nîûndû Ngai nîwamûgitîrîte kuuma mîena yonthe.
Nîmaacokire magîtwarîra mûnene wa vûrûri ûrîa ûrî na mwena wa îthûîro wa Rûnjî rwa Farati maarûa, marî na anene ake. Maarûa îo yandîkîtwe nî mûthamaki Aritakiserikise na yonanagia ûrîa aathanîte. Nao nîmaaveere andû a Isiraeli ûtethio vamwe na wa hekarû ya Ngai.
Ûndû ûcio nîûgaakenia Ngai-Mûnene gûkîra kûmûrutîra îtega rîa ng'ombe, gûkîra kûmûrutîra îgongoona rîa ndegwa nene.
“Nîngaatûma andû a Misiri mamûve gîtîîo nîguo rîrîa andû akwa makaauma Misiri, matikaaume kuo njara ntheri.
Nîkava kûgîa na indo nini na njîra ya wîvokeku, gûkîra kûgîa na indo nyîngî na njîra îtarî na kîvooto.
We Ngai-Mûnene, ethîrwa ndianagûtungatîra ûrîa kwagîrîrîte kana ngûthaitha vandûrî va nthû ciakwa rîrîa maarî na thîna na ruuo, nîronyitwa nî irumi ciao.
“Mwoce, ûmûmenyerere waro na ndûkamwîke ûndû mûcûku, nwatî mûmwîke ûrîa wonthe akwenda.”
Nîngamwîguîra ntha na ndûme mûthamaki wana ke amwîguîre ntha na amûrekie mûtûûre vûrûrirî wenyu.
Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.
Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.
Ngai mwene thayû aromûva indo cionthe mbaro irîa mûvatarîte nîguo mwîkage wendi wake. Na njîra ya Jesû Kristû arotwîka ûndû ûrîa ûmûkenagia. Nake Kristû arokumagua tene na tene. Ameni!
Ngai nîatûvecaga kîndû wa kîonthe kîrîa twamwîtia nîûndû nîtûrûmagîrîra maathani make na nîtwîkaga maûndû marîa mamûkenagia.