Nthi 15:8 - ÎVUKU RÎA ÛVORO MWARO Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu. |
Rîrîa Abusalomu aarutaga magongoona, nîwatûmanîre Ahithofeli, ûrîa wekaraga îtûûrarî rîa Gilo Ahithofeli aarî ûmwe wa andû arîa mataaraga mûthamaki Daudi. Mûvango wa mûgomo nîwathiîre na mbere kûgîa vinya, nao andû arîa maarî mwena wa Abusalomu nîmathiîre na mbere kwongerereka.
Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.
Amûkîra îvoya rîakwa ta mûtararûko wa ûbani, na wamûkîre njara ciakwa, irîa mbûkîrîrîtie ta îgongoona rîa kîvwaî.
Thikîrîria, we Ngai-Mûnene, ngîkûthaitha wonanie kîvooto; thikîrîria ngîgûkaîra nîguo ûndethie! Thikîrîria ngîkûvoya na ma.
Andû arîa athingu manyitaga kîrîa meriragîria, nwatî andû arîa aganu manyitaga kîrîa metigîrîte mûno.
Ngai-Mûnene nîwîgucaga mavoya ma andû arîa athingu, nwatî ndathikagîrîria andû arîa aganu.
Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.
Îîmenyagîrîre rîrîa ûkûthiî hekarûrî ya Ngai. Nîkava kûthiî kuo kûthikîrîria gûkîra kûruta magongoona ta ûrîa irimû ciîkaga, nîûndû irimû itimenyaga ngûrani ya ûndû mwaro na ûndû mûcûku.
We wîkariî ta ndutuura îthithîte mwanyarî wa îthiga. Tiga mone ûthiû waku, tiga mbîgue mûgambo waku, nîûndû mûgambo waku ûrî mûrîo, na ûthiû waku nî mûthaka.
Ngai-Mûnene arauga atîrî, “Nie mendete waragania, na nînthûrîte ûcunani na ûkinyanîrîria. Nîngaatuga andû akwa na wîvokeku, na ndûthe kîrîkanîro gîa gûtûûra tene na tene nao.
“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.
Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”
Mavinda marîa wambîrîrie kûvoya, Ngai nîwacokirie mavoya, nanie naûka gûgûtaarîria macokio mau, nîûndû we wî mwende mûno. Kwoguo tathikîrîria waro nîguo ûtaûkîrwe nî kîoneki kîu.
Ethîrwa imwe cia nyama icio nwa irîwe mûthenyarî wa kathatû Ngai ndageetîkîra mûndû ûcio ûkethîrwa akîruta îtega rîu. Narîo îtega rîake rîtigeetîkîrîka na rîkethîrwa rîrî mûgiro, nake mûndû wa wonthe ûkaarîa nyama icio nîakaaverithua.
Nîndûî ngaavirîra Ngai-Mûnene, Ngai wa îgûrû nîguo ngooce Ngai wa îgûrû? Ngaamûvirîra matega ma kûvîvua, ma tûregwa twa ûkûrû wa mwaka ûmwe?
Ngai-Mûnene nî agaakena, namûvirîra ndûrûme ngiri nyîngî, kana maguta meengî mûno ma ndamaiyû? Ngaamûvirîra îrikithathi rîakwa nîûndû wa mavîtia makwa, mwana wakwa nîûndû wa mevia makwa?
Hagai nîwacokire akiuga atîrî, “Mwathani-Ngai arauga atî, ûguo nîguo gûgaatuîka kûrî andû a vûrûri ûyû na maûndû monthe marîa mekaga. Kwoguo indo cionthe irîa makaaruta metharî ya kîgongoona tî ntheru.”
Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;