Nthi 15:9 - ÎVUKU RÎA ÛVORO MWARO

⁹ Ngai-Mûnene nîathûrîte mîthiîre ya andû arîa aganu, nwatî nîendete arîa mekaga maûndû ma ûthingu.

Nthi 15:9 Referencias Cruzadas

Thaburi 1:6

Nîûndû andû arîa athingu matongoragua nî Ngai-Mûnene, nwatî njîra ya andû arîa aganu îmaviraga gîkuûrî.

Thaburi 11:7

Ngai-Mûnene nî mûthingu na nîendete ciîko cia ûthingu, andû arîa mekaga ciîko cia ûthingu nî magaatûûrania nake.

Thaburi 139:24

Nduîria wone kana nîrî na mîthiîre mîcûku, na ûndongorie njîrarî ya gûtûûra tene na tene.

Thaburi 5:5

We ndwendaga kwona andû arîa etîi, nîûthûûrîte andû onthe arîa mekaga naaî.

Nthi 15:10

Andû arîa matiganagîria njîra îrîa ya ma nîmakaaverithua mûno; mûndû ûrîa ûtendaga kûrutwa mavîtia nîagaakua.

Nthi 21:21

Mûndû ûrîa wîkaga maûndû ma ûthingu na kwîgucanîra ntha, nîagaatûûra îvinda îraca na atîwe nî andû.

Nthi 21:4

Mwîtîîo, na mwîgatho nîcio itongoragia andû arîa aganu, na ûcio nî wîvia.

Nthi 21:8

Mîthiîre ya andû arîa evia tî mîrûngarû, nwatî mîtugo ya andû arîa evokeku nî mîrûngarû.

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Nthi 8:13

Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

Isaia 26:7

Njîra ya andû arîa athingu nî nûngarû; we Ngai-Mûnene nîûrûngaragia njîra cia andû arîa athingu.

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Mathaayo 7:13

“Tonyererani mûromorî ûrîa mûceke, nîûndû mûromo wa îcua nî mwariî, na njîra îrîa yerekagîria mûndû kuo wa nayo nî mbariî, na andû arîa mamîthiîcagîra nî eengî.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.