Ki leenji ineendet, “Kamwa Kamuktaindet ne Toroor ko uu ni, kole: ‘Amu koichunde eng' eung'ung' chiito ne koga atabaanji ng'emisyet, kogeeri anyun saboondang'ung' saboondanyi, ak kogeer piiguk piikyik.’ ”
JOSHUA 6:21 - Bukuit Ne Tilil Kibaree rotwetap chok tugul che ki mi nganaseet kogees: murenik ak kwonyiik, ne ming'in ak ne oos, tany, keechiir ak sigiryo. BUKUIT NE TILIIL Sireet ne Dutero Kanon Kibaree rotwetap chok tugul che ki mi nganaseet kogees: murenik ak kwonyiik, ne ming'in ak ne oos, tany, keechiir ak sigiryo. BUKUIT NE TILIL Ak kibare rotwetab chok tugul che kimi nganaset koges, muren ak kwony, ne ming’in ak ne os, ak tany, ak kechir, ak sigirio. |
Ki leenji ineendet, “Kamwa Kamuktaindet ne Toroor ko uu ni, kole: ‘Amu koichunde eng' eung'ung' chiito ne koga atabaanji ng'emisyet, kogeeri anyun saboondang'ung' saboondanyi, ak kogeer piiguk piikyik.’ ”
Ee inyee chepto ne itebee Dibon, chooruge eng' toroornateng'ung', ak itebi eng' melelda; amu kagopookyin ng'emindetap Moab, kagong'em irimoiguk.
Iyumji tuguukyik tugul kwenutap ooreetap nganasanooto ak ibeel nganaseet ak tuguukyik tugul kogeskei, ibeelji Kamuktaindet ne Toroor Kamuktaindeng'ung' ak koek tulwo koigeny ago ma keteechei kogeny.
`Ki kinam nganasookyik tugul eng' peetuunooto ak `keng'em nganaseet age tugul ne ki kimenyei, kobooto kobogorisyek ak lagok. Ma kimete agot agenge ne ki ng'et.
Ing'eme iwong'u pororyosyek tugul che koonin Kamuktaindet ne Toroor Kamuktaindeng'ung'. Amat iriiree icheek anan ioot kanamonikwak, amu egu mesteet eng' inyee nooto.
Ki nam `Joshua Makeda peetuunooto, ak ki par kobooto laitoryandennyi eng' rotwetap chok, ak kobar kowong' tugul che ki mi oriit. Ki ma pagaakta agot agenge. Ak ki yachi laitoryatap Makeda ko uu ye kigayachi laitoryatap Jeriko.
Ak ki nam kobooto laitoryandennyi ak nganasookyik tugul ak kobar eng' rotwetap chok ak piik tugul che ki mi oriit kowong'. Ma pagaakta agot agenge. Ki yachi Debir ak laitoryandennyi ko uu ye kigayachi Hebron kobooto laitoryandennyi, ak ko uu ye kigayachi Libna agine ak laitoryandennyi.
Ki par piik tugul che ki mi nganasanooto eng' rotwetap chok kobar kogees; ma ng'et agot agenge, ak kobeel Hasor eng' maat.
Ki ip Israel tuguuk tugul che po nganasochuuto ak kokweri tuuga koek chechwaak. Ki par chii age tugul eng' rotwetap chok, kot kogees icheek, ama pagaakta agot agenge kota ko sabei.
Iyachini Ai ak laitoryandennyi ko uu ye ki iyachi Jeriko ak laitoryandennyi. Ago tuguukyik ak tuukyik che kiluulei, oipchinigei kobunjook koek parunenik. Ng'at anyun piik koribisyo eng' ole po nganaseet let.”
Ki pwa ak icheek che ki mi nganaseet kobargei ak pichooto; kotebee anyun kwenutap `Israel piigap Ai; ki mi alak komosi, komi alak komosi. Ki par `piigap Israel icheek kot koma ituuch agot agenge ne ki ng'et anan kochilil.
Ak kisut malaikaiyat ne kiim koita ne uu koitap pai ne oo, ak kowiirchi nyanjet, kole, “Ki wiirtoi Babilon nganaseet ne oo, kobut ko uu nooto eng' kabutet ne oo, ama kenyooru kogeny agoi.
Ui anyun nguno ibookyi Amelek ak ing'em igeesu tuguuk tugul che tinyei. Amat ibagaakte chii, ago par muren ak kwony, lakwa ak ne reryei, teta ak keechiiryet, tambeesyet ak sigiryet!”
Ki nam Agag laitoryatap Amelegik kosabei; ak kobar piik tugul kogees eng' rotwetap chok.