Amu abaoryani agobo icheek ale tinyei kagiiletapkei agobo Kamuktaindet, ago ma eng' naet.
JOSHUA 22:12 - Bukuit Ne Tilil koyumgei tuiyet komugul ne po piigap Israel eng' Shiloh kole koba kobargei ak pichooto. BUKUIT NE TILIIL Sireet ne Dutero Kanon koyumgei tuiyet komugul ne po piigap Israel eng' Shiloh kole koba kobargei ak pichooto. BUKUIT NE TILIL Ak ye kingogas lagokab Israel kioto, koyumgei tuiyet komugul ne bo lagokab Israel eng’ Silo, kole koba kobargei ak bichoto. |
Amu abaoryani agobo icheek ale tinyei kagiiletapkei agobo Kamuktaindet, ago ma eng' naet.
ibar iwong'u anyun piigap nganasanooto, tuuga ak tuguuk tugul che miitei olooto eng' rotwetap chok.
Ki iyumgei tuiyet tugul ne po piigap Israel eng' Shiloh ak koteech eng' olooto emait ne kituiyechin. Ki iterteerat anyun emonooto eng' tainnywa.
Ki iyookto piigap Israel piik che ki indochin Phineas weeriitap Eleazar tisiindet koba emetap Gilead ole mi lagogap Reuben, Gad, ak kebebertap pororyetap Manasseh.
Ki pwa anyun ole mi lagogap Reuben, lagogap Gad ak kebebertap pororyetap Manasseh eng' emetap Gilead ak kong'alaalji koleenji,
Eng' yooto koweek Phineas weeriitap Eleazar tisiindet kobooto pounik eng' ole mi lagogap Reuben, ak lagogap Gad ak koba eng' Gilead agoi emetap Kanaan ole mi piigap Israel, koipchi icheek ng'aleek kogeny.