JOSHUA 18:8 - Bukuit Ne Tilil

Ara anyun king'eetyo piik ak koba; ak ki iyomis `Joshua piik che kigaba kosiir oleteptoi emet koleenji, “Oba obun emet ak osir oleteptoi yeityo obwa kogeny ole ami, si aserchinewok parbareek eng' yu eng' taitap Kamuktaindet ne Toroor eng' Shiloh.”

BUKUIT NE TILIIL Sireet ne Dutero Kanon

Ara anyun king'eetyo piik ak koba; ak ki iyomis `Joshua piik che kigaba kosiir oleteptoi emet koleenji, “Oba obun emet ak osir oleteptoi yeityo obwa kogeny ole ami, si aserchinewok parbareek eng' yu eng' taitap Kamuktaindet ne Toroor eng' Shiloh.”

BUKUIT NE TILIL

Ak king’eetyo bik ak koba: ak kiiyomis Josua bik che kiga ba kosir emet, kole, Oba obun emet, ak osir, si obwa kogeny ole ami, ak aserjinewok barbarek eng’ yu eng’ taitab Jehovah eng’ Silo.

JOSHUA 18:8 Referencias Cruzadas

TAUNET 13:17

Ng'eet, marar kooindap emoni ak tebeesindanyi, amu awendi agoonin kobunjiin.”

ISAIAH 34:17

Kigoseer parbareek agobo icheek, ak kigopchechi icheek eunnyi eng' porowet; punjin icheek agoi, menyei olooto kobooch ibinda age agoi ibinda age.

ROMANIK 14:19

Nooto anyun, ongisup tuguuk che yaei kaalyeet, ak tuguuk che kiteegegei acheegei eng' acheegei.

JOSHUA 13:7

Pchechi anyun pororyosyechuuto sogool ak kebebertap eng' che po Manasseh.”

JOSHUA 15:1

Kebeberta ne ki ibutyi pororyetap lagogap Judah, ko uu ortinwekwak, ko kiwootetap Edom agoi surkwen ne po Sin ne tokyingei tabanda ne po murot tai.

JOSHUA 18:1

Ki iyumgei tuiyet tugul ne po piigap Israel eng' Shiloh ak koteech eng' olooto emait ne kituiyechin. Ki iterteerat anyun emonooto eng' tainnywa.

JOSHUA 18:10

Ak ki iser `Joshua parbareek agobo icheek eng' Shiloh eng' taitap Kamuktaindet ne Toroor; Ak kipchechi `Joshua emet piigap Israel ko uu pcheutikwak eng' olooto.

JOSHUA 18:6

Osir emonooto koek kebeberwek tisap yeityo oibwa siranooto, si aserchinewok parbareek eng' taitap Kamuktaindet ne Toroor, Kamuktaindennyo.

JOSHUA 18:9

Ki pa anyun pichooto kobun emet ak kosirchi bukuit kobee nganasook koek kebeberwek tisap yeityo kobwa ole mi Joshua eng' nganaseet eng' Shiloh.

1 SAMUEL 14:41

Ki le anyun Saulo “Ee Kamuktaindet ne Toroor, Kamuktaindetap Israel, lyon si kotom iwolji kiboityong'ung' ra? Ngot komi anee lelutyoni anan komi weeriinnyun Jonathan, ee Kamuktaindet ne Toroor Kamuktaindetap Israel, ibooru eng' Urim, ago ngot komi lelutyoni piiguk Israel, ibooru eng' Thummim.” Ak ki kinam Jonathan ak Saulo eng' parbaryat ago kichililso piik.