JOSHUA 11:20 - Bukuit Ne Tilil Ki ng'olyootap Kamuktaindet ne Toroor ne ki iuit mugulelwekwak si kobargei ak Israel eng' lugeet, si kong'em icheek kogees, ak ma kiriree icheek, ago si kobiit kong'em icheek kogees ko uu ye ki kang'at `Kamuktaindet ne Toroor Musa. BUKUIT NE TILIIL Sireet ne Dutero Kanon Ki ng'olyootap Kamuktaindet ne Toroor ne ki iuit mugulelwekwak si kobargei ak Israel eng' lugeet, si kong'em icheek kogees, ak ma kiriree icheek, ago si kobiit kong'em icheek kogees ko uu ye ki kang'at `Kamuktaindet ne Toroor Musa. BUKUIT NE TILIL Amu ng’olyotab Jehovah ne kiiuuiit mugulelwekwak, si kobargei ak Israel eng’ luget, si kobiit kong’em ichek koges, si ma kirire ichek, ago si kobiit kobar, ko u ye kiga ng’at Jehovah Musa. |
Kole anyun Absalom ak piik tugul che po Israel, Karaaran kirwoogetap Hushai Arkindet kosiir kirwoogetap Ahitopel. Amu kiga til Kamuktaindet ne Toroor koterteer kirwooget ne myee ne po Ahitopel, si kobiit koipchi Kamuktaindet ne Toroor yaityet Absalom.
Ma kasyi anyun laitoryat pichooto, amu ki kiit ne ki punu Kamuktaindet ne Toroor, si kobiit kosulda ng'olyoondennyi, ne ki mwa Kamuktaindet ne Toroor eng' Ahija Silonindet, komwachi Jeroboam weeriitap Nebat.
Ki punu Kamuktaindet ng'emisyetap Ahasia, amu ki wo ole mi Joram. Kingo it ineendet, koba ak Jehoram kobargei ak Jehu weeriitap Nimshi ne kiga koiil Kamuktaindet ne Toroor si kobiit kobar kootap Ahab kogees.
Ak ye kita kong'alaaldos ak ineendet, koleenji laitoryat, Tos kogindein iegu kirwoogindetap laitoryat? Muite; amu nee si imache kebarin? Kimuita anyun maotyot, ak ki le, Angen ale, kagotil Kamuktaindet kole kong'emin, amu kaiyai ni, ama igas ng'aleekyuk.
Koleenji `Kamuktaindet ne Toroor Musa, “Ui kap Pharaoh. Amu kaauit anee muguleldanyi, ak mugulelwegap otwogikyik, si kobiit abarta kaboorunoichu eng' kwenunnywa.
Nganda ki yai Musa ak Aron kwang'utichuuto tugul eng' taitap Pharaoh, ko ki iuit `Kamuktaindet ne Toroor muguleldap Pharaoh ak ki ma chamji piigap Israel koba eng' emennyi.
Auuiiti aneendet mugulelwegap Misiriik, si koosup icheek ak anyoorunee teegisto Pharaoh, lugeennyi tugul, kariisyekyik ak piikyik che ketei paraisisyek.
Eng' yooto kogeny auuiiti muguleldap Pharaoh si koosup icheek ak anyoorunee teegisto Pharaoh ak lugeennyi tugul si konai Misiriik kole aa Kamuktaindet ne Toroor.” Ki yai anyun piigap Israel ko uu nooto.
Ki iuit Kamuktaindet ne Toroor muguleldap Pharaoh laitoryatap Misiri ak ki isup piigap Israel che kimondoi eng' kimnateet ne oo.
Ki leenji `Kamuktaindet ne Toroor Musa; “Ye igetitegei Misiri, iriip ak iyai eng' taitap Pharaoh kwang'utik tugul cho koagoonin kimnateet iyai. Ago auuiiti muguleldanyi, si ma igoochi piik koba.
Ago, agot nga chooto tugul, ko ki iuit Kamuktaindet ne Toroor muguleldap Pharaoh, ak ki ma kas ko uu ye kiga komwachi `Kamuktaindet ne Toroor Musa.
ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.
Ki koyoosyo Kamuktaindet ne Toroor ne po lugoosyek, kole, ko uu ye ki abwaat iman, ko yaaksei ko uu nooto; ak ko uu ye ki achop, kotebyei ko uu nooto,
Amu tinyei Kamuktaindet ne Toroor nyitatet agobo pororyosyek tugul, ak nereegek che laldos agobo lugosyekwak tugul; Ki kong'em icheek kogees, ki kogoito icheek kebar.
“Ago ki ma chamwech Sihon laitoryatap Hesbon kebun oldanyi, amu ki iuit muguleldonyi `Kamuktaindet ne Toroor Kamuktaindeng'ung', kot koma chamdagei si kondeun ineendet eung'ung' ko uu rani.
Ing'eme iwong'u pororyosyek tugul che koonin Kamuktaindet ne Toroor Kamuktaindeng'ung'. Amat iriiree icheek anan ioot kanamonikwak, amu egu mesteet eng' inyee nooto.
Ki ma nai kwandanyi ak kamennyi kole punu Kamuktaindet ne Toroor ng'olyoondonooto; amu ki cheeng'ei poroindo ne yachine lugeet Philistiik. Ki pou Philistiik Israel eng' peetuusyechooto.
Ngot koyachi chii chiito age tengek, korwookyin Kamuktaindet. Ago ngot koyachi chii tengek Kamuktaindet ne Toroor, ko ng'oo ne saaei agobo ineendet?” Ago ki ma kas ng'aleegap kwandanywa, amu kimachei Kamuktaindet ne Toroor kobar icheek.