PILIPIK 1:9 - BUKUIT NE TILIIL Sireet ne Dutero Kanon

Ak ni ko saaennyu ale kotesak chamyeng'wong' miising' inne eng' naet ak kaguiyet tugul;

Bukuit Ne Tilil

Ak ni ko saaennyu ale kotesak chamyeng'wong' miising' inne eng' naet ak kaguiyet tugul;

BUKUIT NE TILIL

Ak ni ko saennyu ale kotesak chamnyeng’wong’ mising’ inne eng’ naet ak kaguiyet tugul;

PILIPIK 1:9 Referencias Cruzadas

Kitabuutap JOB 17:9

Agot ngo uu nooto kowendi ne po iman eng' ooreennyi, ak ineendet ne tinyei eunek che tiliileen kotesaksei kogimitu kosiir.

TIENWOGIKAL 119:66

Ineeta kirwooget ne myee ak naet; amu ki ayan ng'atuutiguk.

KALEWANAIK 4:18

Ago ooreetap che po iman ko uu lapkeiyet ne iluu, ne iluu ko tesoksei agoi peetuut ne ititaat.

1 KORINTOEK 14:20

Che kitupche, amoegu lagok eng' ng'omnateet: ago oegu lagok che nyerootiin eng' yaityo, ago oegu che kaoeegitu eng' ng'omnateet.

2 KORINTOEK 8:7

Ago ko uu ye otinye aiyebindo eng' kiy age tugul, eng' kayaneet, ak tweguunet, ak naet, ak eng' kagiiletapkei tugul, ak eng' chamyeng'wong' ne oting'enech, ingonyiiak anyun myeiniito agine.

EPESOEK 5:17

Nooto anyun amoberberitu, ago oguiye kiit ne uu mageetap Kiptaiyat.

KOLOSAIK 1:9

Amu niito anyun, koma kimete kesaa ak kesoom agobo okweek kobooch peetuut ne ki ngegas, keele konyiiak naetap magennyi eng' utaatyet tugul ak kaguiyet ne punu Kabuuset ne Tiliil,

KOLOSAIK 3:10

ak koolaach chiito ne leel, ne kiwalei koleelit agoi naet kogergeit ak itoondap ineendet ne ki yai ineendet:

1 THESSALONIKEK 3:12

ingogoonok Kiptaiyat otesage ak obaraitu eng' chamyet okweegei eng' okweegei, ak eng' piik tugul, agot ko uu acheek eng' okweek;

1 THESSALONIKEK 4:1

Ne po let anyun, tupchosyechu, kesoomok miising' ak kiteeiywok eng' Kiptaiyat Jeso, ko uu ye ki otaach eng' acheek, ole kanyool obetite ak obaibaite Kamuktaindet, agot ko uu ye obendoti, si kobiit obaraitu miising' inne.

2 THESSALONIKEK 1:3

Kanyool kemwachi Kamuktaindet kongoi peetuusyek tugul agobo okweek, che kitupche, ko uu ye nyolu, amu nerei kayaneng'wong' miising', ak ko tesoksei chamyet ne oting'egei okweek tugul;

PILEMON 1:6

Asaae ale si koek yamdaetap kayaneng'ung' ne poisye komyee, ye inai kiy age tugul ne myee si keyai agobo Kristo.

HEBRANIK 5:14

Ago po piik che eecheen amitwogik che uueen, icheeget che ki koboisyee ng'omnatosyekwak komuuchi koobeesyo che myach ak che yaach.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.