NG'ATUTIK 7:13 - BUKUIT NE TILIIL Sireet ne Dutero Kanon

Chamin, iberuurin ak kotesin ochaang'e. Iberuuri iyoteng'ung', ruroteetap emeng'ung', peeguk, peegap logoeguk, mwaniguk, ak kaberuretap tuuga ak che po keechiireguk eng' emet ne ki iyasyechi kwanisyeguk kole koonin.

Bukuit Ne Tilil

Chamin, iberuurin ak kotesin ochaang'e. Iberuuri iyoteng'ung', ruroteetap emeng'ung', peeguk, peegap logoeguk, mwaniguk, ak kaberuretap tuuga ak che po keechiireguk eng' emet ne ki iyasyechi kwanisyeguk kole koonin.

BUKUIT NE TILIL

ak kochamin, ak koberurin, ak kotesin: ak koberur iyoteng’ung’ ak ruratetab emeng’ung’, beguk ak beekab logoeguk, ak mwaniguk, ak bitatetab tuguk ak che bo kechireguk, eng’ emet ne kiiyosiechi kwanisieguk kole konin.

NG'ATUTIK 7:13 Referencias Cruzadas

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

Kitabuutap JOB 1:10

Tos ma iyieme ng'ootweet ineendet kobooto koonnyi, ak tuguuk tugul che tinyei eng' komosta age tugul? Ki iberuur poisyonigap eunekyik ak ki kotesak tuguukyik eng' emet.

Kitabuutap JOB 42:12

Ki iberuur anyun `Kamuktaindet ne Toroor peetuusyek che po let che po Job kosiir peetuusyekyik che po tai, amu ki tinyei keechiirek eliphuusyek taman ak ang'wan, tambeesik eliphuusyek lo, eiik eliphuusyek aeng' che po chogit ak iyuogik eliphuut che po sigiroik.

TIENWOGIKAL 1:3

Kergeitu ineendet ak keetit ne ki kiminji ole neegitee ainoosyek, ne yiei logoekyik eng' peetuusyekyik, ama restos sogekyik. Iberuurokse kiy age tugul ne yaei.

TIENWOGIKAL 107:38

Iberuuri anyun icheek, si kotesagis miising'; ama chamjin tuukwak kong'ering'itu.

TIENWOGIKAL 11:7

Po imanda Kamuktaindet ne Toroor ak chamei imanda; keerei `che po iman togeennyi.

TIENWOGIKAL 127:3

Lagok ko poroteet ne punu Kamuktaindet ne Toroor; ak konunennyi iyoteetap moet.

TIENWOGIKAL 146:8

yaatei Kamuktaindet ne Toroor konyegap che koryotiin. Ing'eeti Kamuktaindet ne Toroor che ing'uruuksei; chamei Kamuktaindet ne Toroor icheek che po iman.

KOMONG'U 23:25

Oboisyeiwo anee Kamuktaindet ne Toroor Kamuktaindeng'wong', si koberuur amitwogiguk ak peeguk, ak aiste myanwogik eng' kwenung'ung'.

KALEWANAIK 10:22

Imogornoni `kaberuretap Kamuktaindet ne Toroor, ama testoi riirek.

KALEWANAIK 15:9

Wechei `Kamuktaindet ne Toroor ooreetap kiptengekyot, ago chamei ne isubi imanda.

ATEPTAP LAWIK 26:9

Atokyinok agane togeennyu ak agoonok iyoteet, atesak ak agimiit kayomisennyu kobootok.

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

JOHANA 14:21

Ineendet ne tinyei ng'atuutikyuk, ak koriibei, ko nooto ne chama: ak ineendet ne chama kochamaat eng' Abba, ak achame ineendet ak ang'aang'jigei ineendet.

JOHANA 15:10

Ngot oriibe ng'atuutikyuk, otebye anyun eng' chamyennyu; ko uu ye ki ariip ng'atuutik che po Abba, ak atebye eng' chamyennyi.

JOHANA 16:27

amu chamok ineendet Kwanda, amu ki ochama, ak ki oyan ole ki abunu Kwanda.

NG'ATUTIK 1:8

Ogeero, kande emet taing'wong'; omong'ji anyun onam kobunjook emet ne ki iyasyechi `Kamuktaindet ne Toroor kwanisyekwok, Abraham, Isak ak Jakobo kole igoochin icheek ak iyotennywa ne piitu let.

NG'ATUTIK 13:17

Amenam eng' eung'ung' kiy age tugul ne kigeisto, si koweek Kamuktaindet ne Toroor kobagaach nereegekyik che koroomen ak korirenen, kochamin ak kobarain, ko uu ye ki koyasyechi kwanisyeguk.

NG'ATUTIK 28:1

“Ago ngiepchi iit kutitap Kamuktaindet ne Toroor Kamuktaindeng'ung' eng' kagiiletapkei, iriip ng'atuutikyik tugul che kaang'atiin rani, koeetin anyun Kamuktaindet ne Toroor Kamuktaindeng'ung' isiir pororyosyek tugul che mi ng'wony.

NG'ATUTIK 28:11

Iyabin Kamuktaindet ne Toroor ibaraitu iegu ne nyiitaat myeeindo, eng' iyoteng'ung', eng' iyoteetap akwotisyeguk ak eng' iyoteetap koreng'ung' eng' emet ne ki iyasyechi Kamuktaindet ne Toroor kwanisyeguk kole koonin.

NG'ATUTIK 30:5

Imutyin `Kamuktaindet ne Toroor Kamuktaindeng'ung' emet ne ki po kwanisyeguk si kobunjiin ak koyaun ne myee, kotesin ichaang'itu isiir kwanisyeguk.

NG'ATUTIK 7:7

Ki ma chamaak Kamuktaindet ne Toroor kolewenook amu ki ochaang' kosiir piik alak, ki chamaak nganda ki ong'ering' kosiir piik tugul.