NG'ATUTIK 31:12 - BUKUIT NE TILIIL Sireet ne Dutero Kanon

Iyum piik, murenik, kwonyiik, lagok ak toondeng'ung' ne mi kurgotiguk, si kobiit kogas ak koneetkei si koywei Kamuktaindet ne Toroor Kamuktaindeng'wong' ak koriip koyai ng'aleek tugul che po ng'atuutyoni.

Bukuit Ne Tilil

Iyum piik, murenik, kwonyiik, lagok ak toondeng'ung' ne mi kurgotiguk, si kobiit kogas ak koneetkei si koywei Kamuktaindet ne Toroor Kamuktaindeng'wong' ak koriip koyai ng'aleek tugul che po ng'atuutyoni.

BUKUIT NE TILIL

Iyum bik, murenik, gotab kor ak lagok, ak toondeng’ung’ ne mi kurgotiguk, si kobiit kogas, ak konetgei, ak koiywei Jehovah Kamuktindeng’wong’, ak korib koyai ng’alek tugul che bo ng’atutioni;

NG'ATUTIK 31:12 Referencias Cruzadas

EZRAH 10:1

Ye kita kosaaei Ezrah ak kong'aanyei chalwogik, koriirei ak kowiirchingei ng'wony eng' taitap kootap Kamuktaindet, koyumjigei ineendet tuiyet ne oo miising' ne ki punu Israel, ne po murenik ak kwonyiik ak lagok. Ki riiryo piik ak icheek eng' ng'wanindo.

ATEPTAP LAWIK 9:5

Kiget icheek chooto ki kang'at Musa kobwa taitap emait ne kituiyechin, ak ki pwa tuiyet komugul koriik ak kotononso eng' taitap Kamuktaindet ne Toroor.

HAGGAI 1:12

Ki kas iit anyun Zerubabel weeriitap Shealtiel, ak Joshua weeriitap Jehosadak tisiindet ne oo kobooto piik tugul che ki ng'et; ki kas iit `icheek Kamuktaindet ne Toroor Kamuktaindennywa ak ng'aleegap maotyot Haggai, ko uu ye kiga koyook `Kamuktaindet ne Toroor Kamuktaindennywa ineendet. Ki iywei anyun `piik Kamuktaindet ne Toroor.

JOHANA 5:39

Cham osyachi eng' siruutik, amu oleen otinye saboondap koigeny eng' chooto; ago chooto che paoryanjino;

NG'ATUTIK 29:29

Po Kamuktaindet ne Toroor, Kamuktaindennyo tuguugap ung'oot: ago chechook ak lagokyok koigeny tuguuk che ng'ang'atiin, si kobiit keyai ng'aleek tugul che po ng'atuutyoni.

NG'ATUTIK 29:9

Oriip anyun ng'aleegap kayomisoni ak oyai, si kiberuurok eng' tugul che oyae.

NG'ATUTIK 31:13

Oyai niito si kogas lagokwak che tomo konai ak koneetkei koywei Kamuktaindet ne Toroor Kamuktaindeng'wong' peetuusyek tugul kotee osaptosi eng' emet ne olandoe Jordan obendi oname.”

NG'ATUTIK 4:10

Eng' peetuut ne ki itonone taitap `Kamuktaindet ne Toroor Kamuktaindeng'ung' eng' Horeb, ye ki leenjo `Kamuktaindet ne Toroor, Iyumwa piik ak agoochi kogas ng'aleekyuk si koneetkei koiywea eng' peetuusyekwak tugul komi ng'wony ak si koneet lagokwak.

JOSHUA 8:33

Kitononso Israel tugul, ne toondet ak ne ki kisikyi kaa, kobooto poisyekwak ak kiptainikwak ak kirwoogikwak, eng' moinget komosi ak komosi eng' taitap tisiik Lawiik, kotoorchindos ak che ibei moingetap arorutyetap Kamuktaindet ne Toroor. Ki imii kebeber taitap tulweetap Gerizim, komi kebeber taitap tulweetap Ebal, ko uu ye ki kang'at Musa otwogindetap Kamuktaindet ne Toroor korook, kole kiberuure piigap Israel.

JOSHUA 8:35

Ma mi ng'olyoo eng' ng'aleek tugul che ki ng'at Musa ne masoman Joshua eng' taitap tuiyet tugul ne po Israel, komi kwonyiik, lagok ak toek che ki mi kwenunnywa.